والله مني متاكد بالزبط ولا اني فاكر بالزبط المدة التي بدات الاتصالات السعودية فيها بسرقتي !

يا اخوان … كتب الله علي اني اشتركت في الانترنت وكتب علي اني طلبت عملية ترقية من 256 الى 512 .
وقالوا ليا خلاص … تمت الترقية … وبالفعل ليا الان اكثر من ستة شهور وانا اشترك في الانترنت بسرعة 512 واشتري اشتراكات بسرعة 512 .

طبعا سرعة التنزيل ماكانت تتعدى الـ30 وحسب ماهو المعروف المفروض انها تكون 60 او حولها .

وانا افحط من ديك الفترة … واحسن الشبكة الداخلية واغير التسليك واغير كل شي … وازبط وعملت اشياء كثير … احط وافترض ان المشكلة من عندي !

واحدة من الاشياء … الي قالي هيا صاحبي تركي … اني اتاكد انهم رفعوا السرعة … واتصلت عليهم اكثر من مرة … ويقولوا ليا اشتراكك مزبوط 512 …

المهم … قبل كم يوم جالس مع الشباب وكان يوسف عمر موجود .. وفتحت الموضوع وسالني الموديم كيف واش السرعة … فقلت له الـFirmware قديم … قلي جدده واعمله ابديت ونشوف …

وبالفعلل جددت الـFirmWare ونفس الحالة …

المهم يوسف عمر قلي تاكد من السرعة الي يكتبها الموديم اش هيا !

وحدة من الاشياء الي ماعمرها خطرت ببالي ولاعمري فكرت فيها …
Bandwidth (Up/Down) [kbps/kbps]:

المشكلة كل يوم اقراها … واقراى انها لسه ما اتعمل ابديت … لكن كنت احسب ان المشكلة من موديم مايتعرف على موضوع السرعات العالية

المهم … امس اتصلت عليهم ولا قبل امس … ملخبط في الايام …

وقلت لهم مشكلتي كده ….
رد عليا … متاكد … يعني انت ماتحس اي فرق في السرعة …

فرديت الموديم يقول السرعة كده …

فقال خلاص 24 ساعة

المهم اليوم احصل رسالة على الجوال …
انهم حلو المشكلة … ويطالبني التاكد من الاسلاك والتمديدات …

فكيت الموديم احصل
Bandwidth (Up/Down) [kbps/kbps]: 269 / 565

السرعة زادت … وطلعت الاتاصالت السعودية بتنصب عليا وتسرقني اكثر من ستة شهور !

ما ادري هل انا مغفل والقانون لايحمل مغفلين !
ولا انا صح ولو ان عندنا قانون يتعلق بالاشياء هذه كان رفعت قضية على الاتصالات السعودية !