بالامس تجمعت مع المدون العزيز محمد بن سالم وتقابلنا مع فؤاد الفرحان وقريب محمد ، محمد ، كان في الجلسة ثلاث محمدات وفؤاد واحد ..
على كل ، بعد ان تجمعنا اتفقنا ان كلنا جيعان ، وانا عامل رجيم فكان لازم مطعم خالي من العيش والرز .
فكان القرار والإقتراح ناندوز . وبالفعل انطلقنا لناندوز صاري ،لنجد مطعما جديدا بإسم ملح وفلفل .
المطعم بنفس استايل ناندوز لكن منيو مختلف مع وجود بعض الاصناف من منيو ناندوز .
على كل ، سالنا المقدم عن اختصاص المطعم ، فرد ان سيرلون استيك حاجة ماحصلت ، طبعا هذا الشيء كان بعد عدة طلبات طلبناها من المنيو كانت غير متوفرة .
بالفعل طلبت انا وفؤاد الاستيك وطلب المحمدان كوردن بلو .
طبعا كان في سلطات واشياء ، كانت معقولة ، طبق المقبلات المكون من حمص السعودية وطحينة السعودية كان سيء ، اقصد شركة السعودية الي هي سدافكو .
على كل ، جا الاستيك .. وبدات اكل فيه . طبعا للمعلومية انا طالب الاستيكل متوسط النضج .
بدات افطع ، وانسى انك تقطع شي ، كانك ماسك مطاط ، يمين شمال ، اخيرا قطعت وصلة ، يلا بسم الله ، بدات امضغ واحصل نفسي امضغ مطاط ، او يمكن كفر سيارة … الله اعلم المهم انو شي ماينمضغ البتة .
طبعا ما قدرت اكمل ابدا الطبق ، ونفس الشيء فؤاد بعد معافرة ومحاولة اقناع نفسه ان هذا الشي جيد . لاحظ الشي ، لاني اشك انه لحمة .. نفس القصة مع محمد بن سالم ماقدر على الكوردن ومحمد الثالث ما اكل الا النص .
طلبنا المدير واخبرناه ان الطلب سيء ، فتفضل علينا وقال اغيره لكم . وبالفعل طلبنا طلبات اخرى ، وللاسف لم يوفق فؤاد كذلك في الطبق الثاني ، انا كنت شبه مبسوط وكذلك محمد .
على كل خرجنا بنتيجة حول المطعم ، ان الادارة معقولة وكان شي طيب انه يغير الطلب كاملا ، لكن الطباخ سيء جدا جدا ، لذلك المطعم هذا black list وبدون اي فرصة اخرى .
أخوي محمد بخصوص الستيك
إذا ماكنت أنت إلي شاري قطعة اللحم “يكون فيها كميه من الدهو المخالطه للحم”
ومبهر اللحمه تبهيره خفيفه
وطابخها على مقلى خالي من الزيت
لا تتوقع أن يكون الستيك جيد
أنا أحسن ستيك أكلته في حياتي كان من مطعم تكساس رود هاوس في تكساس http://www.texasroadhouse.com/
حاجه لا يعلى عليها يا محمد
إذا بتروح تكساس قريب إن شاء الله لا تفوت الستيك هناك
ولا تطلع من المطعم إلا وأنت مخلص دلو الفول السوداني إلي في طاولتك
وآدي أول خروجة معاك يا فؤاد
<<<<<طبعًا أنا بتخيل اللي بتقوله يا محمد.
إنت حقتك يا محمد تكتب كتاب عن مغامراتك مع التجار بجد ليك مواقف كتيرة والأجمل فيها عِبر يعني :-).
الحمد لله اني مقاطع الرز واللحوم منذ ثلاث سنوات
فانا نباتي ولله الحمد …. ياعيني على النباتي
بلا ستيك بلا هم يا شيخ ….. هههههه
محمد بن سالم .. ثاني مرة تصير له سالفة مع المطاعم ..وش السر يا ترى
..
زين ان الادارة غيرت الطلب وبدا في تحسن …على الاقل يمكن يحسنون الطعام
لازم تعطيهم تقيم سالب في موقع قيم
ما شاء الله عليهم.
قبلوا يغيروا الطلب بالكامل، ممكن لو مطعم غير كان خلاك تدفع أو تطلع
الله يكرم النعمة ويزيدها يارب
..
الحمدلله جات على كذا بدون تسمم احد منكم
لاتنسى اكتب عنه في موقع (قيم ) خل الناس تستفيد من التجارب ..
جمعكم الله دائما ع خير
لو رايحين البيك احسن لكم :d بس كويس ان في مطاعم بجدة غير البيك >> اووت مضيعه
بما ان الشغلة فيها ناندوز… فانا من فترة طلبت ساندوتش ستيك من ناندوز في استراليا طبعا، المهم… احاول اقطم منه قطمة احاول و احاول الين ما نجحت… بعدين امضغ و امضغ و امضغ… زي ما انت قلت بنفسك.. حسيت انه مطاط… او بالاصح حسيت كاني توم اللي في توم و جيري لمن ضاع في البحر و اكل جزمته… نفس الشعور… المهم كلمتهم غيروه الي ساندوتش دجاج و كان جيد ولله الحمد.. بس ماعاد اروح له… وسلم لي علي الرجيم
والله يا ملياني بعد كدا مالنا الا المطاعم اللي في الفنادق
أنا عادة ما أحب آكل اللحم في المطاعم لأني ما أحب أواجه نفس المشاكل اللي واجهتكم ، ودائماً أركز على السمك والدجاج في أي شيء سواء ستيك أو ساندويتش أو غيرهم.
بس يمكن نسيت يا محمد انك تقلهم Well Done فعشان كدة صار مطاط
محمد،
المطعم في القائمة السوداء فعلاً حتى ولو لم أجد شيء نأكله في هذه البلد..
صحبتك ووناسة المحمدين الآخرين خففت من وطأة تلك الليلة
احسن لك ملياني لمن تبغا تجرب مطعم خد دجاج
انا كدا اسوي.
أجل كويس إني سحبتها نومة !!!
بالعاااااافية ..
فكرة حلوة لرجل شجاع جدا والله عجبنى البانر فى جملة ” بكل فخر هذا الموقع لا يدعم الاكسبلورر ”
بالتوفيق لك يا غالى انت وكل القائمين على عمل هذا البلوج
تقبل مرورى