المحل الاول : Lingo
الموقع : الخالدية وروشان مول طريق الملك .
الحسنات
اتت محلات Lingo لتبيع الـMac في وقت كان الموضوع حكرا على بعض المحلات .
التعامل في المحلات معقول ورائع .
السيئات
المحل يفتقر للخبرة في الـMac واغلب الموظفين بحاجة لاعادة تاهيل .
توفر الاجهزة الحديثة ضعيف .
الديكور 8/10
التعامل 9/10
الخبرة 3/10
توفر الاجهزة 4/10
السعر 7/10
المحل الثاني :
i.zone
الموقع شارع الامير سلطان
الحسنات
ديكور جميل ورائع ورائحة عطرة .
افضلية توفر الاجهزة الحديثة عن باقي المحلات .
وجود اكسسورات صوتية متعددة .
السيئات
المحل يفتقر لروح المنافسة الشريفة .
اغلب الموظفين في المحل يفتقرون للخبرة .
اغلب الموظفين في المحل بحاجة للتدريب للارتقاء في التعامل مع الناس .
الديكور 10/10
التعامل 6/10
الخبرة 6/10
توفر الاجهزة 7/10
السعر 6.5/10
المحل الثالث : محلات احمد عبدالواحد
الحسنات
وجود الـMac مع الكم الهائل من الاجهزة الاخرى .
وتوفر العديد من الفروع لديه .
السيئات
قلة توفر الاجهزة الحديثة
الموظفين بحاجة الى تدريب على الـMac .
الديكور 6/10
التعامل 8.5/10
الخبرة 4/10
توفر الاجهزة 4/10
السعر 7/10
المحل الرابع : اكسترا
الحسنات
وجودهم في اكسترا حسنة وسيئة في نفس الوقت .
توفر الاجهزة لديهم احيانا عند انقطاعاها في المحلات
السيئات
عدم وجود موظفين في الجزء المخصص للـMac .
الموظفين بحاجة لتدريب للتعامل مع الـMac .
الديكور 5/10
التعامل 6/10
الخبرة 6/10
توفر الاجهزة 6/10
السعر 7/10
المحل الخامس : جرير
الحسنات
وجود الـMac وعرضه في جرير .
السيئات
عدم وجود موظفين يعلمون في الـMac اي شي .
عرض الـMac بالـWindows .
5/10 الديكور
التعامل 6/10
الخبرة 4/10
توفر الاجهزة 5/10
السعر 7/10
المحل السادس : اي ويفر .
الموقع طريق المدينة .
الحسنات
خبرة الموظفين بالمحل تعتبر الافضل .
الشعور بان الموظفين مستخدمي Mac .
احترام الموظفين لك . “بالرغم من وجود موظف واحد عمل حركة مش حلوة ”
السيئات
ضعف توفر الاجهزة .
الديكور في المحل يحتاج تحسين .
المحل صغير نوعا ما .
8/10 الديكور
التعامل 10/10
الخبرة 8/10
توفر الاجهزة 6/10
السعر 8.5/10
المحل السابع : العربية ADAM
الحسنات
المحل جدا كبير .
توفر الاجهزة بشكل رائع في الفترة الاخيرة .
توفر الاجهزة الحديثة قبل الحلات التابعة للوكيل .
من اقدم المحلات في جدة .
السيئات
الصيانة سيئة في المحل .
تحتاج لتامين ملفاتك الشخصية قبل الذهاب لديهم بالجهاز .
اذا كنت حتترك الجهاز عندهم اتاكد انك حذفت ملفاتك الشخصية .
المحل يفتقر لاسلوب التعامل مع الناس .
لاتثق في كلمة المحل لتوفر البضاعة او الاصلاح .
قد يخربوا جهازك ويقولولك انت خربته .
8/10 الديكور
التعامل 6/10
الخبرة 7/10
توفر الاجهزة 9/10
السعر 8.5/10
المحل الثامن : اجابات
مركز المدينة
الحسنات
من اقدم المحلات في جدة
توفر البضائع الحديثة بسرعة .
السيئات
السعر المبالغ فيه بشكل غير طبيعي .
المحل اذا ماكنت صاحب كاش يعاملك باسلوب عجيب .
الصيانة في المحل تعتبر الاسواء .
8/10 الديكور
التعامل 3/10
الخبرة 7/10
توفر الاجهزة 9/10
السعر 1/10
بصراحة انا حقول رأيي في المحلات اللي لما دخلتها سألت عن الماك فيها
اي زون….لسه امس حصللي موقف و بصراحة من جد انه يستهزؤا بمحلات تانيه + اني مرة سألته عن سماعات كبيرة و لونها اصفر و احمر…المشكلة شكلها ما كان باين سماعات..فا بقوله ايش دي…قاللي..ممممم….مدري…….و بعدين لما اكتشفنا سويا انها سماعة..طلع ماهو عارف يشغلها :S
و سالته عن شي تاني و برضو مش عارف …المهم…من يومتها و انا غاسلة يدي منهم بالنسبة للاجهزة…يعني بس اروح اشتري منهم…ماوس او اكستيرنال هارديسك..سماعات…بس لكن لابتوب و ديسكتوب…ابدا
بالنسبة للخبرة…ما اقدر اناقشك ازا ٦ او اقل من ٦…بس بصراحة انا خفت اشتري منهم اي شي لانه شكلهم مش فاهمين و بس حافظين مواصفات الاجهزة حفظ بس
بالنسبة لاكسترا
ههههههه…من جد ال حراج كمان….مره او مرتين رحتله ..ما لقيت احد يساعدني لانه مافي احد اساسا..او انه واحد بس اللي واقف.. و مشغول مع زبونة…مدري حسيته ماهو مشجع انه الواحد يشتري منه
اي ويفر
رائع من جد….صحيح اول ما اشتريته عانيت معاهم..بسبب بعض الاشيا في البدايه ماكانوا عارفينها…لكنهم ابدوا مرونة و احترام في التعامل معايا….و بعد فترة اتحسنوا كتير و سرت لما تسألهم تلاقيهم فاهمين… و حتى لو في شي واحد مش فاهمه..زميله يجي و يساعد…ماشا الله ..من جد ارتاح لما اروح اشتري جهاز من عندهم
انا اوافقك في انه احس خبرتهم ٨ من ١٠
الشركة العربية
هي اول محل اجرب فيه الماك و اتعلمت منه كتير اشيا في الماك..من بداية فتح ملف جديد….الى كيف يتشغل النور اللي في الكيبورد
بصراحة كان محل مطمئن جدا و كنت حشتري منه الماك بوك برو…بس احد قاللي انه واحد يعرفه خرب عليه جهازه و هو مشتريه من عندهم… و اخدوه لامريكا عشان يتصلح..فا طبعا الرجال اكيد اتعطل علي لابتوبه… و طبعا ده الشي خوفني مره….لكنني لا انكر اني بروح ده المحل وقت لما الاقي بعض الاشيا اللي ابغاها مخلصة من كل محلات ماك
الديكور حقه…مو قد كده + انه المحل ما يتشاف ايش فيه من بره….. احسه ماهو واضح مرة مع انه ع الشارع الرئيسي يعني
صراحة انا حسيت اللي هناك فاهمين في الماك…..لكن يمكن المشكله اللي زكرتها فوق مقللة التردد عليه …مدري
انا قبل ما اشتري جهاز ماك…مريت على تلاتة محلات…اول شي الشركة العربيه و بعدين اي ويفر و بعدين ماك لاند…..في النهاية ارتحت لاي ويفر و اشتريت منه الجهاز
اي ويفر احبهم لله في الله ،، مااعرف ليه
اكره اكسترا … بصراحه مو فاهمين اي شي
if u have credit card don’t buy from any seller in saudi i’m new in mac i bout i mac 24′ from usa
and i will transfer all my family and friend to use mac
mohammed keep going you have wonderful weblog
waleed
الشراء من هنا أفضل لأسباب كثيرة .. أحدها الكيبورد العربي ( على اللاب توب خصوصاً ) .. و أهم من ذلك أن جهازك يحسب على الشرق الأوسط و العالم العربي مما يجعل آبل تضع المزيد من الإهتمام في اللغة العربية و دعمها في النظام و البرامج ..
إذا كلنا أشترينا الماك من أمريكا .. يظهر أمام إدارة آبل على الورق أن أرقام المبيعات في العالم العربي ضعيفة و ربّما لا يحتاجون إلى المزيد من الإهتمام باللغة العربية و لا يحتاجون إلى Apple Store رسمي في المنطقة أو العواصم العربية ..
الشراء من هنا أفضل للجميع .. على المدى الطويل ..
المشكلة أن العرب لا ينظرون للمدى الطويل يا صديقي .. أليس كذلك ؟
تعليقي باختصار:
أولاً: شكراً على مشاركتنا رأيك وخبرتك في هذه المحلات والتي قد تكون مفيدة للبعض،
ثانياً: ألا تتفق معي أن اللغة المستخدمة كانت ” قاسية” وخاصة أنها تبدو للوهلة الأولى أنها ” تصفية حسابات” مع البعض ودعاية علنية للبعض الآخر؟؟ أنا أعلم تماماً أنك لا تقصد ذلك ، لكنك لا تريد تكوين عداوات على حساب صداقات أخرى.
أتمنى أن تكون فهمتني يا محمد
اي ويفر ميزته انه ارخص واحد يبيع الاجهزة اللي اسعارها عندنا اغلى من امريكا وباريس وأي مكان فيه ابل ستور حتى بعد الخصم ، بس يبغالك توصيات وواسطات وتطلب جهازك قبل قرار الشراء بسنتين عشان يوصل
حاولت اشتري من عندهم اكثر من مرة ولكن فشلت لعدم توفر الاجهزة ، وكل مرة يقول بكرة ، الاسبوع الجي ، ولا حياة لمن تنادي
يعطيك العافية على التدوينة … وإن شاء الله إذا قررت اشتري ماك أكيد حأستفيد من مدونتك
عني أنا صارت معي في 4 محلات :
آي زون - أسأله عن أي شيء .. جوابه ما أعرف !!
..
العربية - لما تكلمهم تحس أنهم وكيل رسمي بدل إلي في أمريكا إحنا وإحنا وإحنا وهم (They don’t have what my grandmother have)
جرير - لما سألتهم : وين الماك ؟ قالوا : هاه. قلت أنا : بس خلاص عرفت الجواب ..
آي ويفر - يبغالهم صفحة كامله ..
* إذا سألت جاوبك وإذا ما عرف يسأل خويه وإذا ما عرف يدور لك على الجواب لو من تحت الأرض .. الزبدة ما يقول ما أعرف ..
* الدعم - ممتاز
* الشباب - فاهمين مرحين دائماً مبتسمين
* هم السبب الأول لتغيير للماك فبعد أن كانت أول زيارة للمحل على حظي كانوا يوزعون دعاوت لحضور محاضرة تعريفية عن الماك في جامعة الملك عبدالعزيز ومنها إلى أن أقتنين جهازي الأول MacBook 2.2 مع العلم أن الجهاز كان متوفر في “آي زون” لكن أشتريته من آي ويفر ..
* صحيح أنهم يتأخرون في الأجهزة ولن ألومهم فالسبب هو الوكيل والوكيل فقط ..
بصراحة أتمنى أن محلهم أكبر محل في الشرق الأوسط لبيع منتجات Apple ..
بالتوفيق أي ويفر ..
وشدوا حيلكم يا آي زون ..
Would you allow me to translate it and post it on my site?
بالرياض ما عندك إلا اي تيكيا وهم بالمناسبة ،،،
الديكور : ٨
التعامل: ٦
الأسعار : ٣
توفر السلع : ٦
تحياتي ،،،
وفتحت علينا المواجع يا ملياني ،،، ما فيه أحد محترم ،،
سلام
عن نفسي في السعوديه ما قد تعاملت الا مع ادامز + ابل سنتر (غير اسمه من فتره لشئ آخر.. ناسي ايش هو)
ادامز هو الافضل في كل شئ، اسعار ممتازة، ضمان جيد … تتعامل مع ناس تفهم في ايش تشتغل.
ابل سنتر، ممممممممم اسعارهم مره شاحطه، مافي اكسسوارات لازمه .. تعاملهم مو قد كذا ابدا، صحيح فيه شباب سعودين يستخدمون الماك واول ما تدخل تلاقي البسمه شقت وجوههم لكن يبقى المحل يبيله اعاده تنظيم من جديد. بالذات من ناحية توفر الاجهزه + الاسعار.
اخر مره جيت الرياض فيها دخلت آي - تيكيا … الجديد على التحليه.
لوووووووووول المحل فاتح مو للماك.. للاجهزه الاخرى .. هو المكان للشخص الجاهل .. يعني الي ما يفهم في الاجهزه وافضل اماكن تواجدها بالمنطقة .. ادخل وتلاقي الي تبيه حتى الوي والبلاي ستيشن والاكس بوكس.
لكن يفتقر الخبره وبقوه، حتى ان الي يحاسب يستخدم ويندوز، قلت له انتم تسون دعايات للماك وبالنهايه تستخدمون ويندوز.. لوول الفلبيني استحى وقال كل الناس تسأل هذا الشي، المشكلة من الشبكة وووالخ.
يبدو ان هناك خطأ ما في طريقة عرض هذا الموضوع “الحساس”، واشعر اني اتفق مع ماورد في ملاحظة الاخ احمد قشماق. على كل حال، ADAM، يظل، على الاقل بالنسبة لي، المرجع الرئيسي ان لم يكن الوحيد عن الماك في جدة، وحكاية انهم يخربوا الجهاز عنوة مفزعه، واتمنى ان لا يكون ذلك صحيح. تعاملت مع اي زون بل واشتريت من عندهم بعض الاشياء ولدي النية المرور عليهم قريبا لانهم ببساطة بجانب المنزل وهي الميزة الوحيدة التي ينفردوا بها: القرب. لا اعرف عن خبرتهم في الماك، لكن وفي معظم الاحيان عندما اذهب لمحل الماك سواءا في جدة او اميركا دائما وابدا انا الخبير وليس الموجودين في المحل. بالنسبة لجرير فوجود ماك في محلاتهم، بالنسبة لي، نكته. المحل الموجود في مركز المدينة حقدت عليه من اول زيارة، وهي الوحيدة، لانهم طلبوا مني الاتصال ب ٩٠٥ للحصول على تلفون شركة ابل الام في السعودية. اي ويفر، لا اعرف عنهم اي شيء سوى كرتهم الذي احضره لي احد الطلاب، ولا اعرف موقعهم ابدا. الخلاصة: ADAM يظل المحل الوحيد الذي ارتاح للتعامل معه لانهم وبكل بساطة we speak the same language.
I.ZONE سيئ لأبعد درجة ممكنه وسار لي موقف مع التعامل السيئ
اي ويفر ممتاز وممتاز جدا وسار موقف حلو معاهم الصراحة مبتسمين
والشباب كلهم مجمعين على أن اي ويفر أفضل شيء
مشالله كل هالمحلات عندكم حق آبل !
اليوم كنت اسأل اخواني اذا فيه محلات خاصه بـ ابل يقولون مانعرف:(
بس ابي اسأل الأخ abdullah al hashem بعد اذنك خيو محمد
هالمحل الي قالها وينه فيه بالضبط؟
والله ما طلعت يزبدة منك محمد
يعني إذا كنت أبغى أشتري الماك بوك إير أشتريه من وييييييين؟؟؟؟
وبالمناسبة
أول أبيود اشتريته من إكسترا
وثاني ايبود (توتش) من محل أبل إللي في طريق المدينة مدري إيش اسمه بس عليه علامة أبل كبيرة
وفي نفس العمارة مكتبو york …
وبصراحة ما عجبني المحل مرة مدري ما ارتحت له.. مع إنو وحدة من صحباتي مرررررة تمدحه وتقول أي أبديت تبغاه تروحلو ويسويلها هوا
(مدري عنها بس انا أسوي كل شي من البيت)
المهم
أبغى أعرف من اي محل أشتري؟؟؟؟
مرسي
سؤال قبل افكر اشتري ..
طالما ان الماك مالهم وكيل في السعوديه و كل اللى موجود مجرد موزعين للوكيل اللى في دبي ..
كيف الصيانه حيكون وضعها ؟؟
و لما اشتري الجهاز .. ايش البرامج الافتراضيه اللى تنزل معاه و ايش البرامج اللى المفروض اشتريها ..
و بالنسبه للعربي .. هل نزل على لبورد ولا لا ؟؟
اعرف ثقلتها بس احتاج اجابات للاهميه
i-zone من افشل المحلات اللي تعاملت معاها
لا مبالاة من الموظفين وعدم احترام
زرتهم ثلاث مرات في اوقات وايام مختلفة
وكل مرة اطلع بانطباع اسوء
دخلت مرة وما كان الا انا في المحل والموظفين متجمعين على imac اللي فالعرض
ومشغلين اغاني وطق حنك ،، استئذنت منهم يشغلوا لي macbook قالوا مافيه بطارية!
جلست في المحل ربع ساعة قلت يمكن احد يعبرني
ولا فيه الا التطنيش
بغيت اسوي لهم مشكلة .. لعنت الشيطان وقلت هم الخسرانين
طلعت من عندهم ورحت الى اي ويفر
بصراحة فرق السماء عن الارض
ويشهد الله انه ماتربطني بهم أي علاقة
لكن فعلا ناس اخلاق وذوق وتعاملهم ممتاز
وشرحوا لي الاجهزة بالتفصيل الممل
وعملوا لي تدريب بسيط على الماك
وما طلعت من عندهم الا وانا شاري ماك بوك ٢.٢ الاسود
[...] to Mohammad Milyani for posting his overview of Macintosh sellers in Jeddah. I have asked for his permission to translate his overview to English and post it here. The rest of [...]
http://www.saudimac.com/2008/02/27/overview-of-macintosh-sellers-in-jeddah-saudi-arabia/
[...] of stores SaudiMac has translated a review of Apple-selling stores in Jeddah, Saudi Arabia, originally made by Mohammad [...]
شباب وبنات ما آبغا أحكم على المحلات التانية بس صراحة أحسن من آي ويفر ما شوفت والمحل حق العربية اللي على طريق المدينة مضــــروووووب وربي ماعندو أحد بالعربي جربان ومنتف
على فكرة اللي سأل عن الماك بوك إير ترا نزل عند آي ويفر واللي سأل عن التعريب حق الليوبارد ترا موجود وعلى فكرة ترا سعر الماك بوك إير تقريبن في حدود ٨٧٠٠ ريال على ما أعتقد
Hello,, talking people I’m Ahmed from i.zone RedSea mall morning shift I wanna know if someone had problem with me or bad service in my shift gooo blind judge