طيب كتبت في موضوع سابق اني راح احطي البرنامج تجربه !
انا لي كم يوم منزل البرنامج . وكل ما اشغل البرنامج اقفله !
من جد والله ما امزح !
بعطيكم معلومة عني اول ، انا احب واعشق الاسود !
لكن مع البرنامج دا كرهته !
اول شي حسيت انه حاجة كتمة مرة ومتعبة للعين !
قلت طيب امشيها !
حصلت داخل البرنامج متصفح !
سالت نفسي هل هو متصفح ! ولا برنامج ادارة صوت وفيديو !
اول شي لما انزل البرنامج واشغله اول مرة يبدا ينزلي اشياء كثير من النت . طيب مش مشكلة كمل .
بدات استخدم البرنامج ، البرنامج يفتقد الانسانية في الواجهة والمبرمجين في الحاجة للنظر للدليل لانشاء البرنامج لمستخدمي الـMac .
طيب بدات استخدم البرنامج بزيادة !
البرنامج فيه ميزة حلوة وماهي موجودة في الـiTunes ابدا والي هي دعمه لانواع مختلفة من انساق الفيديو والميزة دي مفقودة وبقوة في الـiTunes .
طيب هل يوجد مايمزه عن الـiTunes غير موضوع الاكواد دا !
فيه ميزة ثانية وجود نسخة linux وخاصة لمستخدمي الـiPod احس انهم يعانوا مع الحلول الموجودة حاليا .
هل فيه ميزة اخرى !
البعض يبغى اضافات وحاجات زي كده !
طيب هذا نقطة اخرى يتفوق فيها على الـiTunes !
السؤال الان !
هل انت بحاجة للبرنامج !
الجواب !
اذا تستخدم iTunes انت ابدا مش بحاجة للبرنامج !
في النهاية راح تحصل الـiPod عليه وراح تلاقي Apple tv والشير والدنيا كلها .
يعني لو انت حياتك مخليها عبارة عن نوع من انواع التزامن بين اجهزتك البرنامج دا ابدا مش الخيار الصحيح .
الـiTunes افضل لانك في النهاية مضطر تحول افلامك للـiPod و Apple tv
قد يكون مفيد للناس الي عندها مشاكل مع الـiTunes وما عندها كتابي في نفس الوقت لحل المشكلة !
ياخي حسستني انه مستخدمي اللينوكس بالمرة يعانوا
يا كثر بدائل الصوتيات اللي متوفرة و على رأسها القوي amarok في كيدي, و الانيق Banshee في جنوم و جميعها تدعم الايبود
بالنسبة لبرنامج Songbird, جربته سابقاً في ويندوز و لم استمر عليه بسبب عدم ثباته في اصداراته الاولية, اليوم بجربه ان شاء الله على اللينوكس و بشوف ايش جديدهم.
ترا الاصدارة ما زالت قيد التطوير, كان المفترض تنتظر الين ما يصدر كاصدار كامل و تحكم عليه وقتها
لانه يمكن يضيفوا فيه ثيمات تغير من وجهة نظرك فيه
شكراً لك..
عن نفسي جربت Songbird وعجبني
ولاتنسى ان البرنامج في بداية الطريق … عطه فرصه
[...] موزيلا والمتعددة المهام .. صالح الزيد يكتب عن مميزاته .. ومحمد ملياني يكتب عن ملاحظاته على البرنامج [...]
البرنامج ما زال في بداياته و لا زال في الطور التجريبي
و واجهة البرنامج تطورت في كل نسخه و أنا متأكد أن الواجهة ستكون رائعه جدا في النسخه ١ المستقره
و حلول الأيبود للينكس موجوده غير هذا
لكنه بالتأكيد أحد الحلول القوية جدا
يكفي الداونلود المجاني للأغاني من شان أشفع له أخطاء النسخة التجريبية