واجب تدويني من فروحة ، يتحدث عن طقوس المذاكرة .
الاجابة عن هذا السؤال صعبة شويا !
وخاصة اني احب التجديد والتنويع في العملية هذه !
لكن في الغالب اذا كنت بذاكر مذاكرة من جد ، امسك الاسئلة الموجودة في الكتاب واحلها كلها طبعا هذا في المواد العلمية ، ولازم يكون الورق الي بحل عليه ابيض ويكون معايا اقل شي لونين للحل وبعدها انظم الورق واحتفظ بيه .
اذا كانت المادة غيرة علمية ولا مادة قراءة ، فهذه تكون مصيبة ، لازم اكون في السرير واقرى الكتاب كاني اقرى مجلة 
احيانا احب اني اشغل موسيقى خفيفة ، احيانا احب صوت التلفزيون يكون جنبي ، وفي بعض الاوقات ما ابغى ولا اي شي مزعج جنبي .
بالنسبة للمشروبات وقت العملية ، ممكن بارد ممكن حار ، كله يمشي معايا ، بس اهم شي مايسير الخلط بين الاثنين . مرات تهفني نفسي بسكوت وشاي حليب ولا قهوة ومرات شغل بربيكان وبدويزار وموسي طبعا مع البسكوت .
اثناء الوقت هذا ، او اثناء المذاكرة ، بعد كل ساعة احب اني اروح اسوي شي بعيد كل البعد عن المذاكرة ، تلفزيون ، كمبيوتر ، جوال ، اي حاجة عملية تجديد وارجع تاني .
طبعا بعد ما اخلص مذاكرة ، ما احب اني اراجع ابدا ابدا ابدا ابدا … وممكن الخبط نفسي لو راجعت .
وتحلى معايا الاذية ايام المذاكرة … يعني بين كل كم مسالة ومسالة ،،، اروح اتمشكل مع احد في البيت وارجع تاني
احب تخطيط الامور الهمة بمرسام او باقلام تلوينية …
واحب اعمل ملخصات ، في اغلب الاوقات ، اتوقع انه باقي عندي شي من بعض المواد .
آنا عندي أهم شي : الهدوء ،،
وأمر على الأسئلة ،، والسنوات الماضية
وقراءة ،،، بس !
سلامي
والله وطلعت دافور ما شاء الله عليك
بس حكاية إنك ما تراجع هذي غريبة
أنا إللي ما أراجعه هوا إللي يجي في الإختبار
وهوا إللي أخبص فيه
أم النحاسة
P:
عشان كذا أحاول أراجع كل شي
ومرسي أوي على حل الواجب
ماعندي طقوس
بس اهم شي الهدوء
بدون هدوء تاااااام ( و اعني تام تام) ما اقدر اذاكر
بالنسبة للمشروبات ما يهمني ابدا. اهم شي المويه و وجبات خفيفه (بسكوت و حلويات بسيطه)
عندي المراجعه اهم شي و بدونها ما استفيد من مذاكرتي
من جد واجبك ناقص
لا لا
أنا ما أقبل
لازم تكمله
السلام عليكم
انا الصراحه ايام الاختبارات
تجيني ايام رعب ولااقدر انام يكون فيني نوم بس مانام واقعد افكر وافكر ولمن اذاكر اطفش تلاقيني كل شويتين قايمه ياجايبه مويا وشي ثاني واشرب كافي كثيير
عشان يسهرني واقدر اذاكر في اليل واروح المدرسه واخبط راسي بالجدران عيوني ماقدر افتحها كل مره ابغى اعدل من نفسي ماقدر والله مشكله النوم مايجيني واضطر اسهر