بين فترة واخرى ، اجد لدي في قائمة التعليقات التي تنتظر الموافقة ، تعليقات عجيبة جدا … واغلبها تكون بايخة بشكل كبير .
مجموعة من التعليقات … اجد فيها كلمات … عجيبة جدا … يعني واضح جدا ان كاتب الكلمات هذه اما انه شارب شي ولا انه سفيه …
وهذه راح اتغاضى عنها ومش موضوعي اليوم …
الموضوع الي بتكلم عنه … بعض التعليقات الي يكون فيها البريد الالكتروني المكتوب
@milyani.com
واحصل فيها بعض التعليقات البايخة .. واحصل فيها الاسم المستخدم اسم سخيف … واحصل في كثير من المرات الـIP الخاص بالتعليق مماثل تماما لتعليق اخر قديم عندي .
صراحة اكثر من مرة واجهت التعليقات … وكنت احطها واسمح بيها وفي الغالب اتجاهل الاجابة عنها …
حاب اعرف رايكم في الموضوع … او موقفكم …
طبعا انا ما اتكلم عن التعليقات البذيئة … لكن بتكلم عن التعليقات الي تكون بايخة مرة … ومجهولة الهوية … تماما …
وخاصة لما يجيني واحد ويحط الايميل
@milyani.com
في انتظار رايكم …
بسم الله الرحمن الرحيم
اخي لكل نجاح هناك أعداء و هناك أناس تضيق صدورهم برؤية أي شخص ناجح و هذا ناتج عن ضعف في الشخصية و اهتزاز في الثقة فلا يلجأ الى المواجهه و المصارحه بل يحب
أن يضل حبيس الظلام و يتخفى خلف أسماء ملفقة و أقنعة مزيفة.
و لكن سأقول لك كلمة واحدة
يا جبل ما يهزك ريح
و نصيحتي اخي ان لا تلتفت إليها اطلاقا و لا تتعب نفسك بعناء الرد عليها لأنه كلما نظرت للخلف قلت سرعتك في التقدم و كنت اكثر عرضة للتعثر
و شكرا
اشوف ان الحل في تجاهلها تماما و ان نشرت .. لاانها اسلوب وقح و بذئ و تبين لك مدى صغر عقل الكاتب
إذا نطق السفيه فلا تُجبه .. فخيرٌ من إجابته السكوت
يوووه يامحمد
مو لحالك
ياخي ناس متعبة حالها ومدري إيش تبغى في الأخير…
بالفعل تقرا كلام تشعر إن هذا الإنسان فيه مستوى واطي جدا
والغريب إنك تشعر إن سريرة الإنسان هذا غير سليم في مجتمعه (خاصة)
يعني الله يعين اللي يتعامل معاه
أكيد بيكون تافه أو معوق فكريا
كنت أتكلم مع أبوسعد وذكرت له الكلام هذا قال كلنا يصير معانا هذا الشي وعموما السبب الأول غالبا حاسد
الحمدلله يارب
مدري متى بس مجتمعنا ينضج شوي بس في التعامل وينتبه لكلامه ولو في الشارع
على فكرة النت عند بعض العوام زي الشارع بالضبط يفكر وساخة اللسان شي عادي (تلقاه في بيته غالبا كذا)
افضل رد هو التجاهل التام
ضريبة الشهره و أنا أخوك
لو كان لديك متسع من الوقت كنت سلمت جميع مايصلك من هذه النوعية من الرسائل الى جهة قانونية للبحث وايجاد هؤلاء الاشخاص وانزال اشد العقوبة بهم تحت تهمة abuse or harassment ويمكن لهم الوصول لعناوينهم من خلال اساليب تقنية معروفة. قرأت كتاب قبل عدة سنوات بعنوان Laws of the Cyber Space يناقش ويعرض اهم الحوادث المماثلة في اميركا تضمن اشد العقوبات بمن ارتكبوا اعمال مماثلة لما ذكرت. هذا اذا كان لديك وقت وحريص على معاقبتهم وزلزلتهم، او أمرك لله.
عندنا وعندك خير
بس اذا كان التعليق لا يحمل كلمات بذيئة فلا ضير من نشره … لانه في النهاية سيعبر عن اسلوب صاحبه ومحدودية فكره لو كان التعليق سخيف حسب كلامك يا محمد .
ملياني
افضل حل انك تطنش هالردود
يعني (اذن من طين واذن من عجين)
ولاكانك شفت او سمعت او قريت لهم اي شي
ملياني عندي اسئله عن الماك
اسأل هنا عادي
ولا نستنى لمن تفتح موضوع استفسارات؟؟
merci
زي ماقالو الاغلبية طنش ولا تهتم
أحس وجود اللي مثلهم لهم نعمة … يدفعونك لشكر الله على ماأنت عليه من عقل
يزيد سفاهة فأزيد حلما : كعود زاده الإحراق طيبا
السلام عليكم
كثير مثل هذي الردود التي أحب أن اسمها الردود - غير المفيدة - فلابد منها في اي منتدى أو موقع وخاصة العربية منها قد تكون موجودة في المواقع الغير عربية ولكن ليست كأكبر ظاهرة عربية على الإنترنت وهو الرد المشهور والذي قد لا يخلو منه منتدى عربي أو موقع في أحيان كثيره
ولكن في مثل حالتك - كما وصفت - فلا تخشى شيئا بل قل الحمدلله الذي جعل لي اناس يكرهونني ليس لشئ ولكن بسبب نجاحي وشهرتي
فأستمر لتغيض كل حاسد
تحياتي
أبوخالد مدونة أفكار
ياشينهم من جد !!
اصلاً انا احس ماله داعي يرد او يعلق باسم مجهول !! حتى لو كان الرد روعه ويجنن وشوله مايوضح هويته !!
هذا ان دل يدل على عدم ثقتة بنفسه ومو قد الكلام وموقد اي تصرف يسويه “بالنسبه لي اعتبره كذا ” !!!!
ياحليلك ياملياني انت بمدونة خاصة وتقدر تحذف وتلغي مثل ماتبي ماشاءالله !
اجل وش نقول احنا يالمستأجرين خخخ من جد حاله وبالذات اللي مستأجرين ببلوجر
على قول البقية طنش وشوف نفسك اكثر واكثر دليل الشهرة
ولا تنسى تراهم هم يسون هالحركات عشان تكتب بوست عنهم وينشهرون بمدونتك لوولز
ربي يوفقك
(F)
test
والله علقت قبل كم ساعة :S
ايش الهرجة ؟
عموما بس كنت أقول أنه زي ما قال الكل طنشهم
وبعدين أنا أحس وجود هذه الأشكال نعمة لأنه يخليك تحمد الله في كل ثانية أنه أنعم عليك بالعقل
يزيد سفاهة وأزيد حلما *كعود زاده الإحراق طيبا
والله اخوي محمد مو بس انت انا عندي وحده نشبه اسمها حنين فلسطينينه
كل شوي تكتب رد تخيل انها في اليوم الواحد تكتب سبع او ست ردود جيت حطيت نظام الي وافق على التعليق او لا توافق
افتكيت من الفشله خخخخخ كل شوي قاطه كلام من هنا ولا من هنا مفشلتني المشكله البنت تعرفني ومررره معي بس اني اتفشل منها
خخخخخخخ وربي ناس عجيبه غريبه
بس ما اقولك الا طنش ياشيخ تعيش وتاكل غيرها
……..>> تتذكر انها كاتبه تعليق قبل شوي بس الضاهر اختفى
لا تعمم
ممكن غلطات ناتجة عن جهل أو عدم فهم لنظام التدوين الدارج بيننا
كلامك صحيح برضو
تسير
ممكن يكون المعلق صديق حابب يمزح معاك
أو أحد ما يعرفك و حابب يستظرفة
أو واحد يبغا يلفت نظرك
في آخر اليوم، هوا تعليق، لا راح ولا جا، اذا كان مضمونو مالو معنى فهوا تعليق مالو معنى
بالنسبة للـ IP مهو معيار، إلي بيدخلو من نفس الـ ISP بياخدو IPs عشوائية في كل مرة يدخلو على النت، مو زي لمن يكون عندك شبكة في البيت ولا المكتب و تعرف IP لكل جهاز
بعدين:
الشجرة المثمرة ترمى بالحجارة
انت رموك بكم تعليق، فليش زعلان يبابا
السلام عليكم و رحمة الله و بركاته ..
هلابك محمد ، الحسد مشكله فلا عليك و الناجح دايم محسود من الناس اللي تفكيرهم منحط ..
بالتوفيق محمد ..
طيب كلو كوم ولما يجوا ينصحوا كوم تاني!!
مرة اتذكر لما كنت حاطة الشات بوكس عندي في المدونة جاني واحد كاتب: أعوذ بالله اتق الله!!!
يعني لاني جايبة رقاصة عندي في المدونة ولا أنا بقول ياناس تعالوا اسكروا معايا!! يعني حتى النصيحة مدري كيف يعملوها
طيب انا عندي اغاني بكيف عليها.. عندي صور بتخش مزاجي.. انتوا شفتوا الغلط انصحوا بس بطريقة هادية
قلت يا بنت جيبيها من قاصرها وشيلي الشات بوكس دي عالم (هايفة)
ومرة كمان في بوست السعادة عندي
يعني هو التبرج دا جا على الصورة يعني!
واحد رد عليّ باسم خالد او ابو خالد مو فاكرة.. المهم .. بيقول لي الصورة مرة متبرجة وبتأذي زوار المدونة!!!!!!!!!!
طبعا لساني مستحيل يسكت في هدي الحالات
واشكااااااااااااال والوااااااااان من الردود الـ(غبية) بشوفها وبمسح بسكات
اهم شي تطنشهم عاد هم يقهرهم هدا الشي خخخ
السلام عليكم ورحمة الله وبركاته…
أخي الكريم هؤلاء جهلاء،
فأعرض عنهم
قال تعالى :(وَإِذَا خَاطَبَهُمُ ٱلۡجَـٰهِلُونَ قَالُواْ سَلَـٰمً۬ا “٦٣”) الفرقان
وليكن شعارك
إذا طعنت من الخلف ,،, فاعلم أنك في المقدمة
تحياتي…
نفس الحالة !! .. الفترة الأخيرة أعاني من تعليقات بايخة ومالها معنى و خذ يا حذف
لكن الحل السليم هو :
1- فعّل أكسيميت وإستخدمه ضدهم .. صحيح هو ضد السبام لكن ينفع مع هذي الأشكال لأنك تفك نفس و غيرك من المدونات الثانية اللي تستخدم هذي الإضافة (ولو واحد مسكه أكسيميت بالغلط تقدر تسترجع الرد بسهولة وخلال خمس أيام)
2-فيه في الإعدادات خاصية إن نشر التعليق يتطلب إن صاحب التعليق لابد أن يكون له تعليق “منشور” واحد على الأقل في المدونة أو ينتقل لخانة إنتظار الموافقة ..
الحين أحس بإرتياح كبير بعد هذي الحلول
انا اقول اذا هي تعليقات سخيفه بس مشيها ممكن تكون ظريفه بس انت حساس يا ملياني …… بس اذا كانت بذيئه لا تنشرها من الاصل وريح نفسك وخليك ( واد كوووووووول ) وغني انا ما خنته تبلاني…. الى اخر فصيدة المتنبي.
اتمنى لك التوفيق والتقدم
أنا بحذفهم، لأنو انا لست قناة الجزيرة لأبين الرأي والرأي الآخر، مدونتي هي أنا، وأنا لست كامل، ولست انسان فوق العادة، انا انسان يحق لي أن أغضب، ويحق لي أن أحذف التعليقات البايخة.