15 November 0717:30
امس تم افتتاح كرسبي كريم دونات … اليوم بعد المعرض المضروب عدينا عليه .
طبعا الزحمة شي مو طبيعي عند المحل والسرى طووويل .
وكل واحد خارج بعلبتين على اقل تقدير .
طبعا بعد السرى الطويل انا خلاص دبت مع الريحة والشي الحلو انك تشوف الدونات وهو يتعمل قدامك … وتركي يبلف فينا ويتكلم عن طعمه .
المهم …. بعد ماجا الفرج واشترينا مني قادر اصبر لين نوصل السيارة … مع الكمية الي اخدناها الناس كلها تطالع في الكيس … “حاس بالم من الان 
”
وصلنا السيارة … واكلت اول حبة …
ترى الان وانا اتذكر الطعم … غمضت عيني وعشت اللحظة 
… يا سلام … طعم خرافي … شي عجيب ويذوب في الفم … خطير خطير لابعد الحدود خطير .
انصحكم بتجربته … طعم رائع جدا ….
والله يستر …
الله يهديك يا ملياني، تنصح الناس يجربوه ؟؟ بعدين تزيد الزحمة ياخي!!!
حأرسلك الصور اليوم إن شاء الله
ملياني ..
أول شي بالعااااااااااااااااافية عليك و على اللى معاك ..
ثاني شي الله يهديك دوختني من الطعم من قبل ما أجربه >> أموت ع الدونتس
ثالث شي .. ما تلاحظ انك ما ترد ع الايميلات ؟؟؟ >>> على أعصابي
اليوم ولد خالتي مكلمني من جدة و يقول إنو كرسبي كريم فتحو فرع مرة صغير في عزيز مول
طبعاً هو كلمني لأني طفشتهم عليه من قبل ما يفتح
و أتوقع إنهم بيفتحو فرع تاني قريب بجدة لأنو فرع واحد ما راح يكفي
إذا عندنا في الخبر لحالها راح يفتح فرعين .. جدة ما راح تفتح فرع تاني !!
و أنصحك تسوي بحث في قوقل عن كرسبي كريم يا محمد و خصوصاُ فرع اليابان و تشوف الزحمة و الجنان على أصولو
فين المحل دا يا محمد ؟
إذا ما كان في الخالدية قدّام بيتي .. يييييه …
خلاص بطّلت ..
تصدق
بعت أختي تجيبلي في يوم الافتتاح
البنت رجعت البيت وماجاااااااااااابتو
قلتلها لييييييه
قالت الزحمة مو طبيعيه ما قدرت تدخل مررررررررررررررررررررة زحمه والمحل عيبو انو صغير !
حتى شافت واحد ولد اهلو بعتو وجابلهم بعدها انسدح على كرسي ويتنفس بقوة من الي شافو!!
بس بجد استغربت حالنا ..
يعني نجري ورا كل جديد في البلد..مانصدق
بالعافية
أول مرة جربتو في كندا
علبة من أبو ستة حبات
و مذاقات مختلفة
طقطقنا عليها أنا و أخويا
برغم كترة الفروع, الزحمة ما زالت موجودة
شي حلو إنو فتح في جدة
أشكرك
هههههههههههههههههههه
الله يخلي بيت الدونات
من جد عالم تاني
شكراً محمد
الرشاقه نعمه الحمدالله عليها …
ادهم اي بيت الدونات حرام عليك اذا الي فتح زي الي في الخارج فبيت الدونات ولا شي جنبه
بالعافيـــــــــــــه ماااااااان =)
سمعت صحباتي يتكلموا عنه ! و عن تميزه و لذته و طابعه الخاص و و و و و
فاستنتجت السر خلف هذا كلللللله :
انه ساااااااااااحركم ,, فين الهيئة عنه ؟؟؟؟؟؟!!!!!!
lol , just kiddin
عشاق الدونات ,, فليكن الله في عونكم =]
الكلاسكية افضل نوع بصراحة عجبني
و الاهل ما قصروا اشتروا كرتونتيين
بندر … مكانوا في عزيز مول < غريبه ما شفت الاعلانات إللي في الشوارع
و فين عزيز مول هذا ؟؟؟
والله يا ملياني كلامك يصلح فاتح شهية ….
بكره بدور عليه هنا، طبعاً ما له فرع في سندرلاند ، يمكن اشوف بلندن لو نزلت قريب !!
سلام
صطيف
هممم تصدق ما اعرف ايش كرسبي كريم اصلا الا منك يا محمد .. مو fan للحلى ابدا. شيكت بالانترنت وحصلت فرع عندنا .. بسير عليه يوم من الايام
بندر..
في الصفا !
وااااااااااااااااااااااو دووبني ادري منك يامليااني
وابروح اسير ع عزيز موول واشتري منه واشوف هاللي العالم تمدح فيييه
بس متاكدين انه بسووق عززيز موول اخاف اروح الين هناك ويكوون مااش
و فين الصفا هذا ؟
أحد يستخدم قووقل إيرث هنا ؟؟؟؟؟؟
بيكون الشرح أسهل !
بندر من جدك
طيب عارف ميدان الطيارة الي شالوه مدري رجعوه ولا..المهم..هناك تشوفو
أو لو سمعت عن هايبرماركت (جيان) هو في نفس المول
ليان ايوا في عزيزمول ميه ميه
Shada
( ميدان الطيارة الي شالوه مدري رجعوه ) ..
لو كنت أعرفه .. بعد جملتك هذه مستحيل أعرفه !!!
شالوه مدري رجّعوه !!!!
يعني في ولا ماهو في ؟؟؟!!
لا ما أعرفه !!!
من الآخر ..
محمد .. بما إنو ما أحد هنا قادر يشرح لي مكان دا الشي ..
و إنت معدّي عليا مرة كده .. جيب منّه كم حبّة .. ( و نكهات مختلفة لو سمحت ) .. عشان أكتشف إشبها الناس طايحة فيه
ها ؟
إيوه على حسابك طبعاً !!!
مو إنته إللي حاطط الموضوع هنا ؟!
مرني يا بندر واخليك تجرب كل الانواع
@يوسف رفه
تصدق ماخليت بالي من موضوع الزحمة الي تزيد …
@dodo
الله يعافيك …
ترى عندي مشكلة مع الايميلات وكتبت موضوع اني اتاخر احيانا في الرد …
@ماهر
ترى جدا رائع … المحل …
وفي فرع قريب بيفتح في رد سي موول ..
شفت زحمة مش طبيعية ابدا
@بندر ماقصروا في الرد عليك
@Shada
هههههههههههههه
ترى احنا كنا حنبطل نشتري من كثر الحزمة …
المحل مش صغير … هيا المشكلة ان الان مع الافتتاح الزحمة تكون كبيرة مع الفرع الثاني راح تقل الزحمة هنا اتوقع
التجديد والطفش يخلينا نسوي اكثر من كده …
والله يعافيك ..
@انمار
العفو ياسيدي ..
@ادهم
بيت الدونات ميييييين … دا كلام تاني …
@
desperado
ترى شي خطير وابداع انصحك تجرب
@not found
الله يعافيك …
ههههههههههههه ترى شي خطير لازم تجربيه ..
@احمد العطاس .
بالفعل خطير جدا الكلاسيكي …
@يندر
انت مضروب مرة …
@صطيف
انت لسه شفت حاجة …
ترى جدا مشهور بلندن … والناس تجي من هناك باكياس منه معاها …
@خالد
انصحك بقوة ..
@غادة
بندر حده الخالدية
@ليان
ترى شي ابداع …
ايوه اكيد …
@بندر ..
ابشر ارسلك لنك Gearth ..
@Shada
انسيه يخرج براها 
…
لسه ماردوه …
وبندر حده الخالدية
@بندر انت مو مضروووووب … قليل في حقك مضرووووب … ميدان الطيارة ماتعرفه …
@بندر … من اول قوووول كده …
ههههههههههههههههههههههههههه
شوف الميزة فيه انه طازة …
وابشر على حسابي … اجبلك منه
@
desperado
هههههههههههه خلاص بندر بتجيه Home Delivery … ماتوقع يجيك
معليش فيه كلمة (لا) سقطت سهوًا
ميدان الطيارة الي شالوه مدري رجعوه ولا (لا)*
يا جماعة ،،
محمد ملياني قام مشكوراً اليوم بتوصيل كم حبّة دونات ( كثير مرة ) إلى منزلي على حسابه ..
سنااااااااافي يا محمد ..
بس تصدق ما عجبني ..
معليه لا تزعل ..
دونات .. يعني إيش فيه شي غريب ؟؟؟؟؟
دونات عادي .. يمكن شوية طري ؟؟؟
الحقيقة إنه ما عجبني بأي شكل ..
بس تسلم يدك .. و سفرة عامرة و نعمة دايمة ..
شدا ..
ما دام ماهو في الخالدية .. أنسي الموضوع !
اخي الكريم هل تعلم ان كل خمسة فروع في امريكا يقفل اربعة من اصل الخمسة لان الامريكان اكتشفو مضار هذا النوع من الدونات بالاضافة الى ان الشركة تحقق خسائر فادحة منذ اكثر من ثلاث سنوات وتعتمد على المبيعات خارج امريكا ويمكنك الرجوع الى ياهو فاينناس لتتاكذ من كلامي
اول مافتح اشتريت منه ماعجبني بيت الدونات اطعم
اهمممممممممممممممممممممم شي انه جمب بيتناااااااااااااااااااا
عشقي كرسبي كريييممممم يذوووب بالفمممم @@@@@@@@@@@
انصح الي ما جربووو يجربووونه لانه بالفعل مرررررررررررة خطير احسن من هالمعفن بيت الدونات >..<
ان كرسبيييييييييييييييييييييييييييي غيررر يذوووب ولا يتفتتت لو حطيته 1000000000000000 ساعة ان شاء الله خخخخخ
وانصحكككم تجربووووه
يا المتمكن
مين قال لك الكلام هذا
الأمريكان أكلهم كله ضار X ضار
وماكدونالدز مثلا ضار ويعرفون انه ضار
ومع ذلك في أحد المدن يوجد 4 فروع في الميل الواحد وكلها ناجحة !
ممكن كرسبي كريم مضر لكن تقول الأمريكان تركوه علشانه مضر هذي ههههههه كثر لي منها
تحياتي لك وللجميع