طيب زي ما الكل عارف كانت امس محاضرة السيدات المتعلقة بـLeopard .
طبعا اول شي بقوله … لامزيد من المحاضرات لهن .
اصابني احباط كبير من الحضور امس لدرجة اني كنت افكر اني الغي المحاضرة … لكن احترمت من حضر وقدرت لهم التزامهم وقدمت المحاضرة .
طبعا انا قدمت المحاضرة وانا مستاء جدا … وفي قمة الاحباط .
لكم ان تتخيلوا كيف كان تقديمي .
طبعا الي يزعل في الموضوع …. ان الواحد بياخد وقت للتحضير وغير وقت التحضير في وقت بينصرف في المحاضرة .
وطبعا كالعادة في ظل المجتمع السعودي … ومطالبة السيدات بحقوقهن في حضور المحاضرات … اتوقع بان المشكلة مرة اخرى من الرجل ! يلا نرمي كل بلانا على الرجل !
كيف تكون المشكلة من الرجل !
اكيد ماوافق انها تحضر المحاضرة .
ولا اكيد راحت عليه نومه ولا ولا ولا ولا ….
اول مرة اتفشلت في الافطار … وعملت المستحيل عشان اخلي الجماعة يوافقوا ونهايتها ولا وحدة من الي طولت لسانها حضرت .
ثاني مرة بالامس … الكل كان رافض وجود محاضرة للسيدات … انا اصريت ولكن خذلت مرة اخرى من بين 13 مسجلة الحضور كان 3 وللمعلومية اثنين منهم سجلوا بس !
انا اشكر الي حضروا التزامهم بالموعد ، واشكر لهم حضورهم واعتذر عن عدم تقديم المحاضرة بالصورة التي كانت في بالي .
ههههههههههههههههههه ..
هما كيدا يا ملياني بس حقون هرررررررج ..
جايين جايين في النهايه ماجو ..
يلا اهم شي اتعلمت واخدت درس ، و انتا سويت الي عليك واكتر اشين لا يجو الي يطولو لسانهم ويقولو كاني وماني ، احسن خليهم عنهم مااخدو ..
مايفهموووو :p .. مشي حالك .
أشكر لك يا أستاذ محمد تعبك و توقعت انك تلغي المحاضرة بصراحه .. لاني أنا صدمت بالعدد كمان .. بالرغم انى لسا ما اقتحمت العالم الماكي الا انى متحمسه .. حتى مامتي حسيت في وجهها الاعجاب بالرغم من انها جايه معايا بالغصب … هههههههههه
على فكره .. ترا فعلا الستات مظلومين .. انا جاهدت كثير عشان اجي و لو كنت حعتمد على الرجال عشان يجيبووني احتمال 99 % ما كنت راح أجي ..
بس أخدتها من قاصرها و جيت بسيارة أجره ..
أشتريت راحه بالى و نفسيتي .. بس ها المره ظبطت .. المره الجايه ما راح تضبط .. عموما حريح راسي لانك يا ملياني خلاص قررت تحطنا نحنا السيدات في البلاك لست ..
بس من قلبي أقول شوووووووووكرن
حلوة “وعملت المستحيل عشان اخلي الجماعة يوافقوا ونهايتها ولا وحدة من الي طولت لسانها حضرت” ..
معلش أخوي محمد أنت في هذه الحالة أعتبرك غلطان “لا تزعل” ..
صورة المحاضرة الخاصة بالرجال بالفيديو مو من الأفضل أن ترفعها على سيرفر وتحط لينك شير ..
وإلي تبغى تسأل عندها المنتديات ..
وزي ما قال “أويس” (اهم شي اتعلمت واخدت درس) ..
للأسف. أنا من الناس إلي كنت حأموت و أجي لكن ماقدرت
مرة ثانية لاتفصل و مو كمان خليطي “عشان المشاكل” بس سويها زي أيام منتدى عفت بس على أصغر
يعني لاتحدد للرجال فقط أو سيدات فقط
ماعرف إذا ينفع بس هو إقتراح
لكن برضوا نعتذر و ياريت مايكون قرارك نهائي لتثقيفنا
ملياني مرة مرتين في الاخير راح يكون في حضور ما في داعي للياس الرجال في البداية كانوا كذا والحمد لله تحسن الوضع
ملياني…..
إرضاء الناس غاية لا تدرك
Just my ¢2
تبيهم يحضرون ؟؟
قول لهم ترى ممنوع حضور البنات . وشوف حب العلم اللي بينزل عليهم … وبعدين وأنا اخوك ماعليك من الحضور … أهم شئ انه يكون هدفك تحقق … والباقي حبه حبه … واستمر في طريقك … وراجع نفسك وقول ليه هذول ماحضرو ؟؟
الله يهديك لو بس حطيت بوستر في جامعة قسم بنات .. كنت راح تشوف الحضوور ..
بصراحة انتا ماسويت حملات اعلانية .. ترا هذول بنات يعني انت اللي تروحلهم مش هم اللي يجوك …
بس نصيحتي للمرة الجاية .. انك ماتزعل منهم لان بالعكس لازملهم وعي ماكي .. لان اغلبية البنات جامعات جدة وخاصة دار الحكمة .. بنات ماكيات بس كللللللللهم ماعندهم ماعند جدتي ماخذين النظام حفظ من اللي يشوفوه من اليدرسووه .. بصراحة كان وددي لو انك بوسترز دعاية للحظور في كل جامعاتهم .. وفي محلات ابل ستورز اللي بجدة ..
ادري الشغلة مكلفة بس .. بس من بغا الدح مايقول اح
الله يهديك لو بس حطيت بوستر في جامعة قسم بنات .. كنت راح تشوف الحضوور ..
بصراحة انتا ماسويت حملات اعلانية .. ترا هذول بنات يعني انت اللي تروحلهم مش هم اللي يجوك …
بس نصيحتي للمرة الجاية .. انك ماتزعل منهم لان بالعكس لازملهم وعي ماكي .. لان اغلبية البنات جامعات جدة وخاصة دار الحكمة .. بنات ماكيات بس كللللللللهم ماعندهم ماعند جدتي ماخذين النظام حفظ من اللي يشوفوه من اليدرسووه .. بصراحة كان وددي لو انك بوسترز دعاية للحظور في كل جامعاتهم .. وفي محلات ابل ستورز اللي بجدة ..
ادري الشغلة مكلفة بس .. بس من بغا الدح مايقول اح
عارف يا ملياني أنو هذي أزمتي بجد… مع طالبات سكن جامعة.. “.. .. ..”
ترزع موعد محاضرة.. وتتعب حالك تنسق مع الأستاذة ولا الدكتورة.. ولا المحاضرة.. وتبدأ الشغل الروتيني في تجهيز المكان ومخاطبة الادارات
واعلانات مالية السكن كله.. انو المحاضرة تبدأ في الساعة الفلانية..
وفي النهاية تلقى صف من 5 8 طالبات هم اللي موجودين..
مع ان طالبات السكن بيوصل عددهم لـ اكتر من 700 طالبة.. وياريت المكان بعيد.. الا في السكن نفسه!!
والحمدلله أني مو من طويلات اللسان اللي بتحكي عنهم D:
صف من 5 لـ 8 طالبات*
سوري بس كده اوضح الكلام
[...] 3- التنظيم : في قسم الطالبات.. سئ جدًا ، لم أتوقع أن مؤتمر على مستوى دول الخليج أن يكون بهذا التنظيم .. ولا أعلم حقيقة ما السبب ربما تفاجئوا بالعدد الهائل من الطالبات الذين يرغبون في الحضور .. والذي غلب قسم الطلاب بأضعاف ..حتى أن الكثير لم تسنح له الفرصة للحضور وقتها .. حتى أن الإزدحام ذكرني بإزدحام الحرم المكي في رمضان! (تحية لملياني) [...]
حقولك رأيي البسيط وهو مجرد تحليل شخصي ولا تأخذه انو دفاع مني عن البنات .. يعني تحليل منطقي شخصي فقط .
1- الفتيات أقل اهتمامًا من الشباب في مجالات التقنية . وهذا سبب مهم وقوي ..
2- الماكنتوش عدد مستخدميه محدود ..
3- لو كانت المحاضرة عامة ربما وقع الصدمة هذه يكون أقل . أو ربما العدد سيكون أكثر .. بالذات لو المحاضرة عن الفرق بين الوندوز والماكنتوش (أتمنى النقطة واضحة).
4- هل الإعلانات كانت كافية ؟ ( في الكليات مثلًا ..الخ)
5- صدقًا المواصلات قد تكون عائق أحيانًا .
6- أكيد من بينهم أحد غلطان . ومين يدري ممكن كلهم.
7- عيش حياتك .
8- لاتحرق دمك .. مو مستاهلة .. صح شي يعصب .. بالذات لما الانسان يدي بإخلاص ويتعب ويتفاجإ بموقف زي كده .. لكن اشتري راحة دماغك.. مين الخسران في الآخر ؟
9- ان شاء الله ماتكون آخر مرة ..
10- الرجل والمرأة المفروض يكونوا في انسجام أكثر من ناحية التعاملات والأفكار .. مو حلو الدنيا تكون في حرب مستمرة .. مين احسن من مين .. الرجال كلهم …الخ .. النساء كلهم ……الخ .. لأنو بصراحة أنا طفشت من دي الأشياء .. يعني مافي أحلى من تطبيق الشرع بحب وفهم ودماغ كبييييير !
تحياتي
@أويس
هههههههههههههههههههههه
انتبه ترى انت على وش زواج
@dodo
انا والله كان من الصعب عليا رؤية التعابير على الوجوه لعدة اسباب …
ومن ضمنها اني ما احب اطالع عيني تزوغ … لكن من الجميل معرفة رايك
العفو ماسوينا شي
لكن ان شاء الله راح تكون في محاضرات ثانية
@iGarni
بالنسبة لموضوع التصوير … انا راح ارفعه لكن لازم تخلي في بالك نقطة جدا مهمة …
التفاعل في الموضوع والاسئلة الجانبية
ترى احيانا في اسئلة صعب انك تجاوب عليها في المنتديات ولازم يكون شرحها تفصيلي .
@toootey
يعني انت ماسجلتي حضور … وقلتي بتجي ومش محسوبة من الـ13
من الصعب اني ما احدد لان المكان صغير
@
desperado
ابد الرجال من اول محاضرة ما شاء الله والحضور ممتاز
انا اتكلم عن جدة …
@يوسف رفه
رايك ما عليه غبار
@ابراهيم
والله انا جالس احط اسباب لعدم الحضور وراح اشوف كيف ان شاء الله …
@
iSedo
والله شوفي … اول شي المحاضرات هذه … عدد الحضور المطلوب لا يتعدى 20 كرسي بالزبط
فاني اعمل حملة اعلانية كبيرة فيها حرام ! مرة … وخاصة ان الحضور مجاني مش مدفوع ..
انا ما اعرف احد هناك … فاذا ممكن تنشري الخبر في المحاضرات القادمة راح يكون حلو
ونكون شاكرين لك …
بالنسبة لموضوع التكلفة … مش مهم كثير لكن معليش المحاضرة مجانية والكراسي عشرين كرسي هل مستهالة اعلانات كبيرة !
@غادة خالد
زي ما يقول المثل تشكيلي ابكيلك
وعلى فكرة … هذه مش اول مرة اكل منكح من البنات !
قبل كدة في الجامعة طالبوا بدورة وفلم وبالفعل جبنا موافقات للنقل التلفزيوني
وبعد التعب دا كله … نتفاجيء انه وقت المحاضرة مافي احد بيرد علينا !!!!!
لو اوريكم الايميل … تعرفوا اش قصدي !
@Shada
بسم الله
الرد عليك طويل شويا …
1- الموضوع مش تقنية … وانا جاي اعرض تقنية الموضوع اني جاي اعلمهم …
2- عشان تكوني في الصورة عدد البنات الي يستخدموا Mac بجدة كبير جدا … واغلبهم مبتدئات بشكل مو طبيعي فيه …
3- مافهمت قصدك تمام …
4- النقطة بعيدها من جديد انا عدد الكراسي عشرين كرسي مش معقول راح اسوي اعلانات كبيرة
وراح اعيد اغلب المسجلين كانوا مطالبين بوجود محاضرة !!!
5- انا مقدر موضوع المواصلات … وابدا ما انكره وحاسس بيه بشكل كبير … وعارف لكن بسالك سؤال اتمنى تجاوبي بصراحة .. لو الواحد يبغى يسوي شي يقدر ولا مايقدر !
6- انا يعني مو حارقني غير الي جاني كلام مش حلو منهم …
7- لا تخافي انا نسيت الموضوع خلاص .
8- والله انا زعلي … اكثر شي … مش على الحضور … قد ما اني زعلان … على اني حسيت اني كنت سيء جدا في العرض ، معليش كوني في محلي … لازم يكون في صدمة حيال الموضوع ….
يعني لازم راح يقل الاداء … حق التقديم … فزعلان شويا ان الحضور ما كان تقديمي له بالشكل المطلوب …
9- ان شاء الله ما تكون اخر مرة في الحضور القليل
لا تخافي مش اخر مرة …
10- ترى انا ابدا في كلامي .. ما بحاول اني اظهر المراة في صورة سيئة … يمكن سياق الموضوع ماجا حسب ما تشتهي نفسي … ولذلك انا كنت ابغى الموضوع Drafts عشان اعدل فيه وانشره
والظاهر بالغلط نشرته وماشاء الله الـRSS لقطته … فكان من الصعب اني ارجع اعدل فيه ثاني
صدقيني انا وقت ماكتبت الموضوع كانت ثالث مرة اكتبه وانا احاول اني اهدي نفسي قد ما اقدر …
انا ابدا مش قصدي اقول ان الرجال احسن …
عشان تكوني في الصورة … تسجيل الرجال كان 30 واحد مسجل والي حضرو 23 … يمكن عدد الحضور غطى على الموضوع وما خلاني ازعل وخلاني امشيها …
فيعني مافي احد احسن من احد والفرق بالتقوى …
وانا اكرر والله زعلي … على الي حضروا وماحصلوا الاستفادة بشكل كبير …
وزي ما قلت دي مش اخر مرة ان شاء الله …
بس كنت زعلان وبفضفض
ملياني خلاص ..
بعدين نتفاهم يا معلّم ..
ههههههههههههه ….
حضور إيه إللي إنته جاي تئول عليه !!!
حط إعلان في مجلة سيدتي و مجلة ليالينا
هدا عشانهم ماكيات لو كانوا وندوزيات كان شفت كيف الحضور :-p
حقيقة معاك حق تاخد انطباع سيء عنهم, المواصلات مشكلة نعم, لكن بلاش كل شوية نعلق عليها فشل تنظيمنا, مو لو كانت محاضرة في الجامعة كان دبروا حالهم وراحوا؟ او لو كانت حفلة مدري ايش كان كمان دبروا نفسهم و راحوا؟ للاسف مافي جدية في الموضوع, انا مريت بدي المواقف من خلال ترتيب اجتماع المدونات, شي يفشل, مافي التزام بالكلمة, مافي تقدير للناس الي بترتب, و حتى لما الوحدة يجيها ظرف ما تكلف على نفسها تعتذر, لاقبل الموعد و لا حتى بعد, ثقافة الاعتذار ما سمعوا بيها ربما… لكن حقيقة دي الحركات ما اقدر اعممها على السيدات, لانه من جد في مشاريع تانية بتلاقي الوحدة الي بتشتغل للساعة 4 و عندها بيت و اولاد تضغط على نفسها و تجي, و الي تنزل من مكة, و الي عندها اختبارت الكل بيرتب وضعه و يحضر و يشتغل.. و حقيقة كتير محاضرات و ندوات بنلاقي فيها حضور السيدات اكبر.. فان شاء الله دي المرة تكون حالة خاصة و المرات الجاية تكون فعالة اكبر…
و بخوص الماك و البنات فطالبات دار الحكمة يستخدموا بحكم تخصصهم في الجرافيك ديزاين لكن اعتقد يحتاجوا شي للمبتدئين, او على الاقل هدا حال اختي و صحباتها..
استغرب عدم حضور سيدات في محاضرتك يا محمد، حسب علمي وتجارب سابقة، اكثر ناس حرصا ولقافة (عذرا على هذه الكلمة) هم السيدات في جدة، وفي بعض الاحيان يقمن بمخالفة الاعراف والقوانين والنواحي الامنية للاصرار على دخول محاضرات اصلا معدة لرجال. ربما كان هناك ضعف في الاعلان عن المحاضرة.
على كل حال، وكما اشار احد الاخوة، معظم طالبات وااعضاء هيئة التدريس في دار الحكمة خاصة في اقسام التصميم الداخلي والجرافيكس مستخدمات ماك ومتمرسات في استخدام الماك بشكل مدهش. ودار الحكمة ترحب بان تلقي محاضرة عندهم، فقط يحتاج الامر الى تنسيق بسيط وطالما لا تطلب مقابل مادي (نعم الجماعة بخلاء الى حد كبير)، وعلى فكرة كان هناك ترتيب للقاء بيننا، اليس كذلك؟؟؟؟
تذكرت هذه الحادثة لاحد اساتذة الجامعة، اظنك تعرفه، كان عليه ان يعطي محاضرة للطالبات من خلال الدائرة التلفزيونية، ومن المتوقع ان يكون في الطرف الاخر من الجامعة على الاقل ٥٠ طالبة، وبعد مرور مايقارب الساعة، رن تلفون الصالة التي بها الاستاذ فكانت احداهن وقالت له: يا دكتور ما في احد في الصالة، وكنت مارة شفتك على الشاشة بتكلم نفسك” ومن لحظتها قرر هذا الاستاذ عدم تدريس الطالبات باي شكل من الاشكال.
السلام عليكم ورحمة الله وبركاته..
من جد شي يرفع الضغط لمن هو بحالي :S
إن شاء الله
الجايات أكثر بس خليها شرقاوية لوووول
تحياتي وشكراً لدعمك المتواصل..
3- كنت اقصد ان المحاضرة متخصصة لشي معين في المالكنتوش وهو النظام الجديد .. وليست عامة ( هذا كان قصدي)
5- بشكل عام ايوا يقدر .. ان شاء الله .. وفيه مثل اجنبي بيقول الي يبغى شي يقدر يعملو بأي طريقة والي مايبغى يدور على الأعذار .. وبنفس الوقت نسمع نصيحة الرسول عليه الصلاة والسلام عن اننا نعذر الناس . يعني مسألة توازن
10 - الموضوع واضح وانا كان كلامي بشكل عام وليس لك على وجه خاص .. وشكرًا على التوضيح..
ربنا معك وبالتوفيق
الماكنتوش*
@بندر
هههههههههههههههه
نتفاهم بعدين
@khawlah
من جد والله مافي شي اسمه اعتذار
والمشكلة … ان الي كانوا عاملين صجة ولا وحدة لحد الان منهم اعتذرت
بالنسبة لبنات دار الحكمة … نحن على استعداد نجي ونعطيهم محاضرة في البيسك اذا يحبو
وان شاء الله احاول اوصل ليهم
@Mac4Ever
جميل جدا يادكتور اذا تقدر تنسق ليا موعد معاهم راح اكون لك شاكر .
هههههههههههههه
مشكلة هذه والله مسكين الرجال يشرح ولا في احد بالناحية الثانية
وسمعت عنها كثير
@Amjad
انت عارف في كثير يحسدوهم على هذا الموقف
بس الحمدلله
@Shada
3 - ok وصلت …
5- انا ابدا ماقلت ما راح اقبل اعذر … بس معليش … بالله اش ادور 13 عذر مختلف لـ13 شخص مختلف !
10 - مفيش مشاكل بس حبيت اني اوضحها بطريقة اياك اعني واسمعي ياجارة …
ملياني
انا امراءة
ولكن هذا البوست حقك انا اصفقلك عليه وبكل قوووووووووووووووه وحرارة وشده
واشكرك على هالبوست الرااائع
اتمنى لو عندي نجوم ودرع اقدمه لك على هالبوست ..
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نو كومنتس
مضيعة … شعترتيني على الاخر
5- معك حق .. بهدلوووك
… بالذات انو بلااااش .. يعني الخير يجي ليهم .. ونصيحة اذا كانت الكراسي 20 خلي التسجيل 25 او 28 ..
11- تعتقد ليهم وش يطلبوا محاضرة تانية ؟ ولو طلبوا ايش حيكون موقفك
12- بالنسبة للإعلانات جرب الفيس بوك راح تلقى مجموعات لدار الحكمة اعتقد … او انتا اعمل ايفينت وتنتشر بالدعوات .. وعن انو العدد محدود هادي المعلومة لازم تنقال انو ((الكراسي محدودة)) سارعوا بالتسجيل
13- قلهم الشقيري جاي .. حتشوف نص بنات جدة من قبل الموعد حتى جايين !!!!!!!!!!!!!!!!!!
11- طيب … عشان تكوني في الصورة … راح يكون في محاضرات ثانية بس بنهي الاسبوع هذا موضوع الموافقة مع المحل …
وعلى فكرة … لو صار وطلبوا محاضرة ثانية … راح اوافق وما عندي مشكلة ! بس راح تكون مشكلة لو تكرر الموقف …
12- ان شاء الله بشوف الموضوع هذا في المحاضرة الجاية .
على فكرة محاضرة الرجال كده عملنا …
13- هممم ، مشكلة هذه … والله … انت بتخليني افكر او اعيد التفكير الان في الموضوع !
هل السبب في المادة المقدمة ! ام السبب في مقدم المادة ! من السبب في الحضور !
بس بالفعل كلامك صحيح …
[...] قالى مضيع شفتي الملياني مسكين >> وجلس يقولي عن الملياني عن محاضرته ،، انا انقهرت قتله لا مادريت بس قريت ان في اجتماع حتى قلت بقلبي ياليت لو بالشرقية ودي اعرف اكثر عن الماك .. ولما دخلت مدونة الملياني توني الحين وشفت البوست تبعه ( السيدات اسواء حضور واسواء محاضره >> كليك هير ) [...]
صح شي يقهر لكن الشكوى لله يا رب الجايات تكون أفضل
ذكرتني مره دكتور بيعطي محاضره انصدم مرررررره ما فيه ولا رجال بس هو جايب معاه خويه
لكن الصراحه بالأساس المحاضره للنساء عبر الشبكه
كلنا حاولنا نتصل في اخواننا قبل موعد المحاضره بساعه محد رضى يقولون ما لنا خلق هالشغلات ):
إذا بتجي الشرقيه سجلني من ضمن الحضور اذا كان وقتها مناسب لي
ربي يوفقك
ايش يعني شعترتيني >> ممكن ترجمه باللهجه السعوديه
وبالتحديد 03 ( الشرقية )
@afnan
هههههههههههه
مشكلة والله هذه … ان شاء الله ما انحط في موقف مشابه
على كل … ان شاء الله اذا سار شي هناك … ببلغكم
@مضيعة بيتهم
ههههههههههههههههههههههه
بالله ما تعرفي اش يعني شعترتيني !
هممممم ترى كلمة دارجة كثير هنا كثيييييير مررررة …
هيا ماخودة من شعتر !
شعتر … تجي بمعنى لخبط …
يعني يقال محمد شعتر الاوراق في غرفته …
يعني محمد رمى الاوراق في الغرفة يمين وشمال ولخبطها …
او مثلا محمد شعتر فلوسه …
يعني محمد ضيع فلوسه
يعني
“
لخبطتيني ،، خربطتيني ،،، ضيعتني “جية على اسمك دي
ليه ما شفت الموضوع ده من اول؟؟
اخ محمد… صحيح انا اول مرة احضر لك محاضرة بس بصراحة طلعت منها مبسوطة و اخدت فكرة عامة عن النظام
كنت اتمنى انه اقدر اسالك اكتر من سؤال…بس قلت لا ابدأ باسئلة كتير من اولها….لوووول
و بصراحة مشكور على المحاضرة و ما قصرت انك فكرت في البنات انهم يسير لهم محاضرات تعريفيه بالماك اللي سار له فترة منتشر في جدة ماشا الله مقارنة بأول…
and as i said before
masha allah u r a professional Mac user
يا ريت تفكر مرة تانيه في قرار توقيف المحاضرات للبنات….و معليه يعني ازا تزود شوية في الاعلانات عن اي محاضرة…و ترا انا عرفت عن المحاضرة عن طريق وحدة من صحباتي بالصدفة!!
فلا تحرمنا من محاضراتك الجييدة
good luck
@سارة
coz u do not have an RSS reader
يمكن لاني اكتب مواضيع كثير
حاولي تستخدمي
الـRSS
وراح تستفيدي كثير
ههههههههههههههههههههههه
خدي راحتك عادي في الاسئلة …
اكيد في الفترة الاخيرة ما شاء الله زاد كثير
….
هذا من ذوقك بس …
ما راح تتوقف المحاضرات … ان شاء الله المحاضرات مستمرة …
وراح نشوف مشكلة الاعلان عنها ان شاء الله .
اي قول خربطتيني
شكرا على الترجمه استاذ الملياني
العفو
والله مسكينه المرأه لو سوت شي لو مره او مرتين غلط شنيتو عليها حمله وكثرتو السب وكأنكم ماصدقتو عشان تطلعون الي بقلوبكم وبعدين ليه التعميم عشان 30 بنت ماحضرت صارت كل النساء اسواء حضور ومايستاهلون وكل هذا الكلام عقول غريبه طيب زي ما انت تقول ان حضور البنات اقل طيب فية محاضرات ثانية يكون حضور الرجال جدا قليل وما سمعنا او احد سب وقال الرجال اسواء حضور وفي بعض المحاضرات عدد الحاضرات اكثر بكثير من عدد الحاضرين وبعدين لا تساوي المرأه بالرجل من ناحية الظروف ولا تقول الي يبي الشي يقدر والله كثير من البنات ماتقدر وانا اول وحده والله ان الاهل اذا شافو الموضوع محاضره او دورة يرفضون اشد الرفض ويقولون اشتري شريط او شوفي والوحده تنذل ذل الله به عليم اما اذا كان شي ثاني كسوق او حفله يرضون لان عندهم السوق تقضي حاجاتك يعني شي مهم ومافيه بديل وظروف البنت في البيت غير عن الولد من ناحية الالتزامات الاسرية ماتقدر تقول لا ماراح اروح بحضر محاضره لا بيقولون رجلك على رجلنا وصدقني ان كل ها التعقيدات سببها الرجال الي الحين قاعدين يسخرون ويتفلسفون ويسبون ….