31 October 072:04
طيب الكل في الفترة السابقة اتوقع انه لاحظ ان المدونة متجهة وبتسير في نسق معين وطريقة معينة ومسار واضح والي هو الـMac و Apple واحيانا بعض الاشياء التقنية …
نادارا ما احط موضوع يخصني …. الكثير … بيتسائل … عن الموضوع … وبيتسائل فين مواضيعي الغير متعلقة بهذه التصنيفات … وخاصة ان عنوان المدونة شخصي …. وخاصة اني اول مابدات مكان هذا الهدف او البداية …
الان السؤال الي حاب اسالكم هوه … اش رايك في الموضوع !
هل تحس والله ان المدونة بالشكل هذا ماشية صح ! متاثر بماشي صح :p
ام تحس ان المدونة مضيعة الطريقة ! 
اش انطباعك ورايك عن المدونة !
هل تشوف اني افتح قسم جديد في الموقع عندي تحت اسم Mac وخلاص اخلي هذه شخصية ! ام تشوف اني اخلط الحابل بالنابل ! ام تشوف اني استمر بهذه الطريقة !
رايكم يهمني كثير ! حاب اعرفه …
جيت والله جابك
ترا من أول نفسي أتكلم فيا لمضووع دا معاك بس قلت وانت مالك يا بت هو مرتاح كدا
بس طالما انك سألت فلازم أقول…
شوف ياخويا..
أحلى شي عجبنيفي مدونتك إنك ماشي طول الطريق على الـ MAC و APPLE
هي حاجة حلوة خاصة إني باعتبرها أشمل مدونة في التفاحيات وما جاورها وكل أخبارها.. من جد من جد ماشاء الله عليك
صح تدويناتك قصيرة وكلمتين ورد غطاها بس بتجيب المفيد…
في نفس الوقت.. لما أشوف ردودك على المدونات أحس عندك مستوى عالي من الثقافة والمفهومية ماشاء الله تبارك الرحمن.. لكن اهتمامك الكبير بالتفاحيات غطى على جانب منك في المدونة..
وبصراحة بصراحة.. انا يزور المدونة كل يوم والبركة في مستر جوجل ريرد طبعاً بس متى أرد؟ لما أشوف موضوع أستوعبه خخخ .. من جد يعني لما موضوعاتك تكون عن التفاحة بس أسكت وأقول والله فلة وشغل حلو ومدري ايش..
فا إيش رايك تخلي قسم خاص بـ APPLE واللي يبغاه يروح هناك.. وهدي المدونة بما انها مسماه باسمك تخليها لبقية الموضوعات الشخصية والعامة زي ما قلت في آخر نقطة.. كدا تفتح مجال لنفسك في الابداعي الكتابي ومنها كمان تجيب أخبار Apple و MAC في نفس الوقت
بالتوفيق محمد
يووووووووه
نسيت أقول لك
مبروك اللبس الجديد
تقطعه بالعافية
انا مع خلط الحابل بالنابل على الاقل يصير فيه تغيير بنوعيه المواضيع عشان القارئ ما يمل
حابل + نابل = ملياني.كوم
حلوة يا يوسف ..
نفس رأي يوسف .. و من بالأعلى ..
الخلط جميل ..
لأن المدونة زي السلطة .. لازم تلاقي فيها طماطمة و خياراراية و خساية و .. و طبعاً طبعاً .. لا تنسى الجرجير
هلا بالكل ….
انا قبل فترة اقترحت عمل مدونة خاصة بالماك . وتكون شاملة لعده كتاب ويتم التنسيق لتكون مدونة ماك العربية، ملياني انت عند خبر وكل شي جاهز فايش رايك ؟
صطيف
أنا مع أسماء
وملاحظة كمان
لو عملت مدونة منفصلة للماك وتانية شخصية
الناس الي مالهم علاقة بالماك زي حالتي
ماراح يهتمو بالأولى
فلو كانت مدونة وحدة (شخصية+ماكية)
غصبًا عننا حنمر على مواضيع الماك حتى لو محنا فاهمين
وهادي نقطة ايجابية (وتسويقية)
ومبارك الستايل الجديد ماشاء الله ابداع
أنا مع الخلط
أحس مدونتك لها ستايل مختلف عن غيرها … تعجبني
مبروك الثيم الجديد
كوكتيل ..
التغيير حلو ..
لو كلها شخصية، صدقني قليل إلي يزورون الموقع ..
أنا صريح ..
(-:
انا مع الدمج مع التركيز على الماك اكثر
تمنياتي لك بالتوفيق
تحياتي
أنا مع الخلط مع بقاء تصنيف متخصص بالمالك ومشتقاته
وكذه بتكون ماشي صح
مبروك التصميم الجديد
رااااااايق
أنا صراحة أول مرة أدخل وأشارك .. لأني ما أحب ال mac بس لازم أعرف عنه من يدري يمكن يعجبني و أسير mac user
بس رأيي الكوكتيل حلو لان هيه أساسا مدونه لل Mac بس شوية personal stuff won’t hurt
الخلاصة خلها زي ما هي….
وبالنسبة للثيم… عشانك صممته على mac environment فطالع على windows ملخبط يعني الجزء العلوي في جهه والسفلي في جهه.. بس بصراحة ما أعرف كيف كان قبل لأني زي ما قلت في البداية أول مرة أدخل
انا ما اعرفك كثير يا ملياني الا في المحاظرة الماضية
ولكن على ما يبدو ان apple جزء من حياتك
عشان كذ اعتقد لم تخرج عن اطار شخصيتك
بالتوفيق
يااستاذ اتعودنا عليك كده والله لايغير عليك
وفي الاخير استفتي قللبك
@asma
ترى ما اخوف
طيب النقطة الاولى نقطة مهمة …
والنقطة الثانية هذا من ذوقك
بالنسبة لمواضيع التفاحة في الكثير منها الهدف منها نشر الخبر اكثر من التعليق عليه ..
طيب المدونة مقسمة لعدة اقسام في الاساس وهذا الشي جاهز … بس راح احاول اني اوصل لحل …
الله يبارك فيك
@ige
@يوسف رفه
في عدة تصنيفات وفي عدة مواضيع … لكن كثر المواضيع حول Apple تطغى ..
@بندر
طيب يا سيدي نكثر جرجير
@صطيف
بالنسبة للنقطة هذه … للاسف الشديد ببعد عنها .. والسبب في اني دخلت قبل كده في مدونة مستخدمي Apple جدة … واتوقفت ونوعا ما راح تعبي ومجهودي هناك … لهذا السبب ماني حاب اخوض تجربة مشابههة …
@Shada
ملاحظتك جدا مهمة … وراح اعمل عليها…
والله يبارك فيك
@Blue
الله يبارك فيك واحساسك اطراني
@iGarni
في مواضيع شخصية لكن قليل …
@
iMansour
حلو كلامك
@ماشي صح
اوكي … والله يبارك فيك
@
malaikah
ان شاء الله قريب تسير
اوكي حلو الكلام
هو مش طالع ملخبط عشان وندوز
جربه على FirFox وشوف الفرق
@
وalbaraky
حلو الكلام
@
سيده من ال البيت
جميل جدا …
ملياني:
مدونتك أخذت طابعاَ خاصاً بالماك وأخباره ..
لا بأس أن يكون فيها بعض من تدويناتك وأخبارك وآرائك الخاصة والتي غالباً ماتكون بنكهة التفاح
،، وهذا ما يجذب العديد من غير مستخدمي الماك بزيارتها ..
أعجبتني الفكرة التي طرحت بأن يكون هناك مدونة متخصصة بالماك يكتب فيها عدة كتاب ..
جاي متأخر
انا مع الخلط, لكن لدي ملاحظة بسيطة, حاول ان تجعل كتاباتك التقنية بالفصحى اكثر حتى يستفيد منها اكبر شريحة ممكنة.
بالتوفيق
حقيقه ،،
أنا من مؤيدي الدمج في المواضيع ، جميل هو التغيير أحياناً مع المحافظه على الأصل والتخصص في الكاك وأخبارة ،،
ملاحظـــ ه بسيطه أحببت ان أخبرك بها ..
وهي أني أرى محمد مليباني يقوم بطرح عدة مواضيع في اليوم الواحد ، وهذا شيء رائع ..
لكن .. بعض المواضيع التي يطرحها متكرره وفقط بأسلوب آخر قليلا ، وبدا لي ذلك واضحا قبل أسبوع من الآن وقت إنتظارك لنزول نظام ماك الجديد ، فقد كتبت عدة مواضيع تبين فيها لهفتك وإنتظارك لهذا النظام ، وكان بإمكانك وضعها جميعاً في موضع واحد ، أو الإستغناء عن لعضها ..
تقديريـ ،،
ما ك << كاك
بعضها << لعضها
عفوا أعتذر عن الأخطاء المطبعية ، وذلك بسبب عجلتي في وضع هذا الرد ..
أبارك لك الثوب الجديد ،،
ملياني
خليك كذا
يعني شخبط شخابيط ولخبط لخابيط
لان كل مواضيعك حلوه
وبس هذا اللي عندي
ملياني .. توافق أستخدم النتائج في هذا الموضوع لأغراض شخصية
.. لأني نفس الحالة .. وصراحة ما أقدر أقترح لأني بحاجة أحد يقترح لي 
هلوز ملياني
بصراحة أحس مدونتك لها طعم خاص
وستايل خاص
لا تغيره
كذا مرة مميز
محمد
أولاً أحب أن أبدي إعجابي بمدونتك من جميع النواحي .. سواء من ناحية المواضيع أو من ناحية التصميم المبهج والأكثر من رائع
لكن نريد أن تضع لنا شيئاً من تجاربك مع شركة آبل ونظام الماك وآيفون وآيبود
حتى تتسع أفكارنا الماكية
ويعطيك العافية على هالتدوينات الرائعة
تقبل تحياتي حمموودي
أدهم
كوكتيل ولا تغير
السلام عليكم ورحمة الله وبركاته..
مدونتك مميزة،،
حافظ عليها
لو حاب بإمكانك إضافة قسم شخصي حتى ما تفقد ميزتها..
بالتوفيق
تحياتي..
ادري اني قديمة واخر وحده بس بعلق.. مصره اقول رأيي
اول شي ما تلاحظ ان اكثر كومنتس بهالبوست !! عارف ليش لانه الاغلب يحب المواضيع العامه
مو معناته انه مواضيعك الاخرى مش حلوهـ !! لالا بس لها ناسها وخاصة لفئة معينة!
فعشان كذا كثر من يومياتك ومن يوميات صاحبك المـاك عادي
يوم لك ويوم له لوول
روعهـ اللوك الجديد نااااايس عشقي لون الموف ^_*
(F)
مليانى أعتقد انك لازم تعمل تصنيفات بالمدونه بس ما تعمل مدونتين …
اختلاط الحابل بالنابل مسويلى كركبه ما اعرف ارجع للمواضيع اللى ابغا اشوفها خصوصا ان دخولى النت غير منتظم
انا افضل تقسم المدونه موضوعيا و لكل قسم اكيد زوار ..
و شكرا ملياني على كل شي ..
برايفت ملياني >>> ان شاء الله اكون اليوم بالمحاضرة و معاي هذاك الشي اللى ما يتسمى خخخخخخخ
سي يو
امممم، احس احساس انك ناقل من ثيم مدونتي، يمكن صحيح يمكن ﻷ، بس احساس
انا رايي تحط المزيد من المواضيع الشخصية