اكثر حركة تبسطني لما اشوف الاعلانات في السعودية والصور في الاعلانات عبارة عن Mac
اشعر بشيء فلة … واعتبر هذا دليل على انهم شايفين الماك جهاز رائع من ناحية التصميم …
نجي نتعمق في الموضوع …
الاتصالات السعودية … دائما في القمة … ودائما في اثبات انهم متخلفين من جميع النواحي
ودائما رواد في التعامل مع التخلفين من وكلاء الاعلانات … عادي اش تتوقع من متخلفين انهم يتعاملوا مغ غير متخلفين…
اعلانهم الجديد …. في التلفزيون عن قطعة USB حقت الجوال …
تعال وشوف … اول شي الجهاز المعروض في الاعلان
Mac … واي موديل .. PPC تقريبا اذا ماكنت غلطان اول موديل من الـG4 تيتانيوم …
مع التدقيق … في الصورة … راح تحصل انهم مستخدمين متصفح في الغالب المتصفح عبارة عن انترنت اكسبلور … مع مزيد من التدقيق … راح تلاقي فوق … شعار الوندوز لابارك الله فيه …
اش قمة العبط هذه … يعني مو عارفين يعملوا اعلان عدل …
لا خلونا من النقطة هذه … وخلونا نسال ونشوف موظفين الاتصالات السعودية … هل القطعة دي تشتغل مع الـMac ! حيقلك ها ها اش الـMac دا !
انتم عارفين لو اني في دولة من الدول الي فيها نظام قضائي … كان بامكاني اشتري القطعة وارفع قضية على الاتصالات السعودية … ولا بالراحة بالراحة اكسب القضية واخرج بنص مليون دولار يمكن !
ليش !
اول شي الاعلان فيه غرر ! والغرر محرم شرعا !
الصورة صورة Mac والقطعة … مهم عارفين كيف يشغلوها على الـMac …
خلصنا من دول لا بارك الله فيهم
نجي لبقية الهبل … وخاصة البنوك السعودية …
انتم عارفين … اخس بنوك في مستوى الحماية بنوكنا السعودية …. لي …
بعيد عنكم …. لان اول حاجة … قمة الاستغباء مصممين مواقعهم على IE … ومتصفح IE معروف انه اسواء متصفح على الاطلاق … لكن اش تسوي … !!
ما علينا … تجي تشوف اعلاناتهم … تحصلها على اش .. على Mac ! وانه البنك دا … هو البنك الي … وشغال على الـMac ..
وتجي بعدين تشوف انه حتى على Fire Fox مايشتغل ….
اش الغباء دا … استغفر الله بس …
خلصت …
تجي تحصلهم … مستخدمي Safari على الوندوز … هذه عاد موال ثاني …
وتكتشف في النهاية ان الموقع مش شغال على Safari وانه بس IE
اه بس لو اني في مكان في نظام قضائى … كان دحين زمان … رافع قضايا على نص الشركات هنا … وكسبان من وراهم فلوس كثير …
محاور قضيتي …
الغرر … اشتريت الجهاز واكتشفت ان الاعلان كذاب
اثار نفسية … اتاثرت نفسيا وجاتني حالة من الاعلانات هذه
خسارة الفلوس … راحت ولا عاد شفتها …
بس اش نسوي …
ههههههههههههههه
يا أخي روق بالك
وترى حنا أحسن من غيرنا
أنت شايف الإعلانات في موزمبيق وبواتسانا ؟؟ يا أخي حنا في نعمة
اقولك ياملياني
إذا تعدل قضاءنا
أنت أرفع على موبايلي وخلينا أنا أرفع قضية على الإتصالات
خلي الخير يعم
بالنسبة لي فقد وجدت هذا الداء (اقصد استخدام الماك كـ عارضه ازياء من قبل مصممين الاعلانات) في بريطانيا ايضاً !!
وجدت قبل فترة كيت عباره عن ماوس + ماوس باد ، مع صورة الماك على الغلاف وكتوب تحتها PC Mouse Kit !!
تخيلوا كلمه PC !!
اعلان آخر …. جهاز ماك بوك برو الجديد لكنه فعلاً جديد !! حيث ان ابل ذاتها لم تصنع منه ابداً … ماك بوك برو بفتحتي CD
المشكله تكمن برأي بحب اهل التصميم لاجهزة الماك … لدرجة انهم وضعوها مرة في موقع مايكروسوفت كصورة لجهاز آمن ضد الفيروسات!!
كلمة اخيرة للمصممين … إلى متى هذا الحال مع الماك ؟
صطيف
ماشي صح
ههههههههههههه ….. لا ماشفت الاعلانات ممكن اشوف
ههههههه لا مافي … مافي …
انا الاتصالات
وموبايلي 50 % لك 50 % ليا … واهم شي تشتري Mac
@صطيف
فلة … الـMac Book عارضة ازيا ء …..
مرة بلاهة ولا استبعد هذا الشي هنا ….
عادي يعم عادي مشي حالك .. .
محمد على فكرة في امريكا في اعلانات كثييييره مشابهه .. يحطون لك ماك لكن بمتصفح انترنت اكسبلورر .. صدقني الوضع عندنا مو اخس من غيرنا (امريكا!!)
يحطون لك متصفح IE الي هو الاكثر شعبيه بالعالم عشان لمن المستهلك يشوف الدعاية يعرف ان هذا المتصفح الي يدخل منه دايما الانترنت وما يخاف .. اما لو يحطون لك سفاري ولا فاير فوكس المستهلك (المشتري) بيحسب ان الشغله غريبه ومو له … واجهزة ابل حاطينها لانها الاجمل في التصميم … ومخرج الدعاية احتمال كبير جدا يستخدم ماك واجهزه ابل . عشان كذا يحطه.
مستخدمي المتصفحات الباقيه يكونون من ناس فاهمه شوي ويعرفون ان المنتج الي بالدعاية يمشي على اي متصفح.
أنا بسوي عليك حجر ياملياني
وانت كل ماشفت جهاز جديد رحت وشريته !! فلوسك زايده شكلها
بس بشر جربته على جهاز ثاني وشفت سرعته ؟؟
والله انته قاعد تقرا افكاري لسه اليوم كنت راح انزل الموضوع دا في المنتدي من فله بس عندي خبر فله بنك البلاد ربي عامل اعلان خطير مسوين كتيب صغير على شكل الماك بوك برو والله نسخه من الجهاز وتفتح اول صفحه تحصل الكبيبورد والشاشه حركات بس كلامك كله صح اخ اخ اخ اخ اخ لو نرفع قضيه كان احنا فوق طيب كيف ما يجي نرسل ل ابل تتفاهم معاهم هههههههههههه
لمست الجرح في قضية البنوك
قمة الغباء صراحه ، من أول مااشتريت الماك وانا في بهذله من حكاية البنوك ، والمشكله انه مو بس مايشتغل الا علي الاكسبلولر المشكله انه نسخة الاكسبلولر اللي عندي عالماك(تعبانه) مستحيل تشغل اي موقع عربي !
فأضطر كل ماحبيت ادخل على الحساب (اشحت) بي سي عشان اسدد لو فاتورة وحده بس !
وياقلب لا تحزن(
كذا إعلان شفت الفقرة دي .. الوحيدين إلي سووا إعلان صح أوربت على خدمة الإنترنت ..
أدعيلهم بالهداية
ثبات .. في حلول كثيرة جداَ.
مثلا .. استخدم CrossOver .. من فترة سوا تحديث وتطور كثير .. تقدر من خلاله تستخدم IE وبرامج كثيرة بدون تثبيت ويندوز داخل الماك .. وايضاَ اذا حاب تثبت ويندوز ثبته ونزل VMware .. جداَ ممتاز وافضل من باراليلز. تقدر تستخدم Expose لويندو (منافذ) فاتحها في الويندوز داخل الماك !!! خطيرة هذي.
والله حاجه تقهر
.. إلى متى راح نعيش التخلف هذا .. محمد بنوك سعوديه ابعد عنها .. خلك مع ساب ميه ميه لانهم من أصول HSBC 
راسلت مرة البنك الامريكي احتج على انه موقعهم مايدعم الا IE
ومع رسالتي قلتلهم أنه IE غير امن والويندوز ايضاً لذلك اتعامل مع حسابي البنكي بالماك
بعد فترة طويلة ردو عليا قالو ممكن تستخدم IE اللي في الماك ،
والحقيقة انهم متخلفين لأنه قيد حاولت بس ماينفع
اللي سويته نقلت فلوسي طوالي على بنك تاني موقعه يقبل سفاري
حاولت افهم البنك الأمريكي قبلها انه موقعهم لازم يكون يونيفرسال اكسس ولكن لاحياة لمن تنادي
من جد غباء
يارب ترحمنا برحمتك من هالـ ….
الله يطيك العافية حمودي
[...] .. الماك تراه في الإعلانات بكثرة .. وفعلاً تشوف العبط في شاشته [...]
ملاحظة على الماشي، حتى وقت قريب كانت بنوك بريطانيا، منها رويال بنك اوف سكوتلند، واميركية لا تعمل على الماك.
طيب ليه ما يوظفون متخصصين بهالمجال في الشركات سريعة التقنية اللي زي كذا
علشان يقدمون الخدمات للي زيك يا محمد ..