لسبب … اني مابخرج عن مواضيع الـMac الا نادرا …
جائني هذا التاق … وبجاوب عليه ان شاء الله …
ـ متى تشتري ثياب العيد غالباً ؟
سؤال محرج صراحة !
في الغالب انا ما اشتري ! كيف كده !
الي يسير … اهلي الله يحفظهم … هم الي يشتروا … وهم الي ينقوا وهم كل شي … طبعا عندي بعض الشروط لما يجوا ينقوا … وخلاص على كده …
الشيء الوحيد الي اسويه … هو الثوب … اني اروح افصله واختار كيف ابغاه يكون …
غير كده ولا اتعب نفسي … اهلي قايمين بالواجب …
طبعا في كثير من الاحيان … اهلي يشتروا ليا ملابس العيد في شعبان او رجب …. زي كده … ويخلوها …
ـ ما نوع الماركات المحببة لديك؟
ولا يفرق معايا … مافي ماركة معينة ولا اي حاجة من الحاجات دي تمشي معايا …
ـ هل لديك طقوس معينة في شراء مثل هذه الملابس .. مثل؟
مالمقصود بالسؤال
هل يعني اش اسوي لما اجي اشتري او اش شروطي !
هوه شوفوا عشان تكونوا في الصورة … لو رحت انا اشتري ونادرا مايسير …
1- اول محل ادخله احصل عنده شي عجبني ومقاس حلو والمحل حلو في التعامل اشتري وامشي ولا افكر اروح محل ثاني .
2- لما المحل مايعجبني في التعامل … اخرج ولو كان ارخص محل يبيع .
3- لازم احس ان الشي الي بشتريه راح يعيش معايا .
4- لازم اقيس في المحل … مافيا اروح البيت ويطلع صغير …
5- لازم ما اطول في المحل بسرعة بسرعة …
6- لما اتعود على محل … خلاص اثبت معاه لين احس انه بدا يستغفلني …
ـ ما معيارك في شراء الملابس .. هل هو الغلاء أم الشكل المميز ؟
اذا الشي عجبني اشتريه … مايفرق معايا سعره … غالي رخيص.. وفي الغالب ما احب ادفع فلوس كثير في الملابس … لاني عارف اش نهايتها …
مهي جهاز الكتروني …
ـ ما رأيك بموضة تطريز الثياب المنتشرة أخيراً ؟!
والله … يمكن من الناس الي بداو الهبقة في الثياب … انا وجاري … لكن ماراح افصل كثير في الموضوع … وخلي الطابق مستور
وانا معاها … تكسر التقليد والروتين الي نحن عايشين فيه شويا
بس اهم شي اهم شي مايكون فيها مبالغة ! ولا يكون فيها تشبه بالنواعم
وانا احوس بالمدونة واطلع البوستات القديمة
توني ادري انك حليت الواجب
شكرا محمد
فرحتني مررررررررة انك حليت الواجب
وكل عام وانت بخير محمد ،، وان شاء الله المرة الجاية مابمرر عليك واجب على شان ماتدعي على
بس صدقني الواجبات حلوة تخلينا نكتشف المدونين اكثر واكثر وتعطي جو بالتدوين ..
بحاجة تسوي لك تصنيفة جديده للواجبات ..
بوستك فرق بين العيد الماضي وهذا العيد ، اهو اللى وصلني لين هذا البوست
اكرر شكري لك ..
افا يجيني …. تاق ولا احله
العفو ياستي وماسوينا شي ………
وانت بخير ولاتخافي ما ادعي عليك ولا شي والله ….
هههههههههههههه لا انا مخليها ….. تحت تصنيف المدونة …..
العفو ياستي
بس زي ما انتي شايفة مافي احد معلق فيه
اها .. لا انا راح اعلق .. حلوه مسأله الواجبات رغم انى مو مدونه .. بس حلو واجبك أنت و مضيعه العسل ..
و صح كلامها خلتنا نشوف جوانب تانيه فيكم ..
يعطيكم العافيه ..
كالعادة البحث يوصلني لأشياء كثيره،،
من ضمنها مدونتك أخي الكريم،،
والآن هذا الموضوع
الله يعينكم على حل واجبات مضيعة بيتهم،،
ويعينها على التصحيح لووول
موفقين
مضيعه ما اقول الا الله يهديك