طبعا الفشايل كثير … بس راح احكيكم موقف سار معايا …
قبل فترة من الزمن … تقريبا سنتين
وانا في الماسنجر يطلب اضافتي بريد الكتروني كان
admin@microsoft.com
ولا شي زي كده مني فاكر تمام …
المهم في البداية استغربت اش سار … دققت واتاكدت حصلت انه بريد @microsoft.com
مني فاكر تمام اش البداية …
المهم قبلت الاضافة …
كلمني واحد … قالي لانك تستخدم الماسنجر ومش عارف اش وكلام كثير زي كده …
انت كسبت مع مايكروسوفت العربية جائزة … ويا ليت تكلمنا على المركز …. وسالني باي مدينة انت
رديت جدة …. واعطاني رقم تلفون … فرع جدة … وقلي كلمنا في الاوقات التالية وراح تحصلنا .
المهم … انا طنشت …. لاني كنت استخدم Mac وقلت اش هدية حيدوني يعني ….
الحاصل بعد الموقف دا باسبوع … حضرت ندوة التعليم والتقنية لكلية عفت بالهلتون والصدفة الحلوة كان احد الرعاة مايكروسوفت العربية … المهم … مسكت واحد فيهم … وبدينا نتكلم وحكيته الموقف …
اش كان رده !
رد عليا وقال … مافي شي زي كده ابدا … هذا اكيد هاكر دخل عليك واخترق جهازك وضحك عليك !
اتاكد من الحماية في الجهاز ونز ..
قبل مايكمل الكلمة … رديت انا بستخدم Mac !
فرد عليا … وقال … اهـ اسف … دا شكلوا اخترقنا نحن … بس مافي شي زي كده !
بالله اش رايكم … في الرد دا ! مو خطير 
تحليلي للموقف …
اتوقع ان الرجال كل الي سواه
انه استخدم خدمة
Passport.com
حقت مايكروسوفت وسجل الايميل باسمه
والخدمة فيها مشاكل كثير ما اعرف اذا اتحلت ولا لا …
لكن الي عجبني في الموضوع رد موظف مايكروسوفت حول القضية !
انتم اش رايكم !
خخخخخخخخخخخخخ
مفصول مفصول مفصول هذا الموظف لو كنت مكان رئيس قسم مايكروسوفت العربية
إستسلم بسرعة أبو الشباب .. هذي فيها إنّ
شكله متعاون ..أو ودّه بماك .. خخخخخخخخ
رأيي أن موظف مايكروسوفت مضيع خميسه ومو فاهم شيء و كان حابب يتفلسف و كأن أمر الإختراق من بديهيت الأمور التي تواجه مستخدمي الويندوز وبالتالي عليهم التعايش معها بشكل طبيعي.
ملياني هل تتذكر اسم الرجال؟ هل كان Technical ولا مسؤول فقط؟
MaXeR
ههههههههههه
الله يستر عليه ياشيخ
يوسف رفه
من ناحية مضيع اكيد مضيع …
والله شوف … ماني فاكر اسمه ولا فاكر كان مسئول ولا تقني … بس الي متاكد منه كان سعودي
هههههههههههههههههههههههه
هذي مشكله الناس اللي تسوي فاهمه بكل شيء
loooooool nice … i don’t wanna be in that guys shoes now …
unfortunitally it sounds like you ended up talking to one of those who were employed as a part of the Saudization scheme …
only there to complete the number as we say in Arabia …
nice story .. really made me role on the floor …
Salam
البنفسجي
من جد اش تسوي
SE
ههههههههههههههههه
من جد كلامك
only there to complete the number as we say in Arabia …
هده فشيلة في حق السعودية و وزارة الاقتصاد و التنمية و التعليم و الموارد البشرية..
khawlah
كيف !
عادي الرجال معترف انه Microsoft شيء سيء … فهيا بحق Microsoft
كيف سارت في الخليقة دول كلهم !
انا بتكلم عن المستوى المهني و طريقة الرد الي عملها الموظف السعودي.. الموظف لازم يكون عنده اسلوب في المداراه و التعامل مع الزبون بدون ما يشوه سمعة الشركة الي بيشتغل فيها..
اها …..
شوفي في الغالب …. مستخدمي Microsoft يخافوا يتعاملوا مع مستخدمي الـMac او مستخدمي الـUnix او الـLinux .
انا راح اعطيك مثال بقصة واقعية اخرى سارت معايا … في الموضوع التالي …
عشان تتاكدي ان الحالة هذه عالمية …
مستخدمي الـMac مش العاملين … عندهم ولاء عظيم لـApple
في المقابل فقط الحاصلين على شهادات كثيرة مرة في Microsoft عندهم ولاء لها … وهم قلة …
انا مابدافع عن الموظف لكن شريحة كبيرة من الناس عندنا هنا في السعودية سبب تعاملها مع Microsoft هو الفلوس .. وتلاقيه يسب فيها لكن سبب التعامل معها المادة … قد يكون هذا الموظف بنفس الحالة !