انا عندي مشكلتين … او بالاصح كثير من الناس تشوف فيا عيب او شي غلط
الجوال … اني ما ارد على الجوال بسرعة …. او اخد وقت طويل لين ارد على الجوال …
المشكلة هذه ياجماعة الخير …. يعني اعذروني فيها … في الغالب اذا ما رديت على الجوال فهو لاحد الاسباب التالية :
1- اكون نسيت الجوال في البيت وترى عادي مرة …. اني اسويها .
2- اكون نايم او في وقت اهرب فيه من كل شي وادور على الراحة التامة .
3- اكون مشغول او في اجتماع … ما احب اني اتلقى اي اتصال … وخاصة اني اعرف نفسي اطول في المكالمات .
4- يكون الجوال عطلان … وترى هذا الشي معايا زي سلام عليكم .
طبعا في ناس كثير بتزعل عليا … انها تتصل ومارديت او شي من هذا القبيل …
عشان تكونوا في الصورة … في البداية هذا الموضوع اعتذار لكم … لكن هذا الشي حاولت احله وماقدرت …
فاتمنى انكم تعذروني …
الان المشكلة الجديدة الايميل …
في ناس بتزعل مني … اني بتاخر في الرد …
انا بقلكم ثق تماما … اني ايميل ترسله ليا … لازم ارد عليك … فيه انا بين فترة وفترة اتاكد اني رديت على كل الايميلات … لذلك ثق تماما اني لازم حرد عليك لازم حرد عليك …
صحيح اني ممكن اتاخر … لكن ان شاء الله برد عليك برد … في كثير من الاحيان اكون مشغول بعمل معين او شيء معين … والي يسير … اقول طيب برد عليه بعد شويا او اول ماخلص الشغلة هده .. اكون وقتها ضيعت وانشغلت في حاجة ثانية … ووصلت لحاجة ثالثة … طبعا عشان احل المشكلة هذه حطيت عدة حلول … لكن مع ذلك بتاخر في الرد …. وناس كثير زعلت عليا …
فانا بس حاب اعتذر للمتصلين والمرسلين … واتمنى انكم ماتزعلوا مني ابدا … لكن هذه اسباب المشكلة فوق مشروحة …
اخر نقطة …
الـiChat , Gtalk , MSN , Yahoo , Skybe
هذه قصة كمان ثالثة …
ترى انا ما اقفل الكمبيوتر … وما اعمل له ريستارت الا فين وفين …
وفي كثير من المرات انسى البرامج هذه كلها شغالة … واجي اجلس عليها … احصل سب ووابل من الكلام الي ماله داعي … من بعض الناس طبعا …
يعني اخر محادثة وهيا الي حزت في نفسي وزعلتني …
واحد داخل وسلم وبعدين بدا يتكلم .. وانا ماكنت على الجهاز … طبعا بعد انتظار دام لمدة 20 دقيقة من قبله … كتب كلام مرة ماله داعي وزعلني والله وحز في نفسي ….
صحيح اني كنت محطوط موجود … لكن ماكنت على الجهاز … اش حسوي انا …
مافي داعي اكتب الكلام …
يعني الموضوع هذا 3 اعتدارات في واحد …
الله يكون بعونكم … وعن جد اسف …
على فكرة … اي احد … يرسلي ايميل وما ارد عليه … ليثق تماما تماما … وتمام الثقة … ان الايميل ماوصلني او راح Junk …
لاني ان شاء الله برد على ايميل …
بالنسبة للجوال … اذا مارديت صدقني دق في وقت ثاني راح ارد … لان في مشكلة احيانا اشوف المكالمات الي مارديت عليها واقول شويا وادق .. وانسى الموضوع …
ماشي الكلام ياجماعة
ماشي
ما عليك
إن حصل و أحتجتك في حاجة حأدق ولاّ أرسل إيميل و أصبر عليك إلين ما تفضى و ترتاح و نتعامل مع بعض زي العسل و على راقة
برضو أحسن عشان ما نتلخبط
نشوفك على خير إن شاء الله