جائني هذا الواجب من مدونة بنت الروح
——————
1- اصدقائى … لي الكثير من الاصدقاء … احبهم …. من المرحلة الابتدائية … ثم المتوسطة … ثم الثانوية … ثم الجامعة والان … العديد من الاسماء التي لن انساها … على مستوى المراحل … وخاصة اني زي البسة كل مرحلة في مدرسة … مختلفة في حي مختلف …. خلتني اكسب الكثير … واقدر الكثير ….
2- الكتابة … اعشق الكتابة بشكل مو طبيعي … وكنت مشهور في البيت بالجرائد الحائطية الي اعملها … واتطورت واتطور الموضوع … الى جرائد مطبوعة في البيت … او بمعنى اصح نشرات صغيرة … وماكنت اتجاوزت الثامنة … يعني من صغري اعشق هذا الشي … بداية كانت جريدة الشباب … من ثم تحولت الى اخبار الملياني .
3- القراءة … عندي عشق لها … والعشق هذا … الفضل فيه بعد الله … للوالد الله يحفظه كان دايما يشجعني … اني اقرى … اشترالي موسوعات وكتب … وكل كتاب كنت اخلصه كنت اخد عشرة ريال … وانا عشان اجمع اكثر … كنت اقرى كتب كثير ورى بعض … يعني 10 كتب … واروح اقله … يلا هات 100 ريال … وكان يدفعها … ورغم انه كان يقلي حختبرك في كل كتاب تقراه … الا انه عمره ماسواها وكانت مبنية على الثقة … وعمري ماخنت الثقة هذه … طبعا … لما كبرت وسرت في المتوسطة … تغير الموضوع معايا … وسرت ما اهتم اني اخد عشرة ريال على كتاب … سرت اهتم … اني اخليه يشترلي الكتب الي ابغاها … والي احب اني اقراها …
4- تعلقي شديد بالملابس … ما احب اشتري ملابس جديدة كل شويا … احب اعلق معاها … لفترات طويلة … وليا حالات حب كثير مع الملابس … يعني كنت اعذب اهلي ومازلت … لما اجي اغير الملابس … في الغالب كانوا يرموها … عشان يتاكدوا اني ما البسها ثاني … طبعا عندي ثوب نوم … راح يكمل الان … سبعة سنين … المفضل عندي … وما اقدر افرط فيه وكل مايخرب اصلحه … وعلى قد ما اشتري جديد … الجديدة بتترمي … وهذا موجود … كان في للثوب اخه … اختفى في ظروف غريبة … وكان في محاولات لان هذا الثوب يختفي لكن انا بالمرصاد ومراقب 
5- سكر ورامي
الله يرحمهم الاثنين … كلهم بساس … عراري … رامي … كان بس وانا في الابتدائية … مسميه على الكرتون الشهري رامي ارمي رامي … بالنصف لقبوه 
.. طبعا قصص كثير مع رامي … لين ماجا اليوم الي انطرد فيه من البيت وخاصة انه كان بس متبنى من الشارع … وكان دايما … حاط عينه على كرسي معين في البيت … يروح يعملها في منطقة معينة … كل يوم سبحان الله … المهم .. لما كبر شويا … انطرد … لكن البس هذا اصيل والله … كان دايما يجي يزورني … لين ما نقلنا من سكن الجامعة .. ولا اعرف شي عنه بعدها …. سكر … افردت عنه تدوينة سابقة … لكن البس هذا … له مواقف تخليني ابكي … .
6- اركسون بشاشة ملونة الذهبي
يا الله … الجوال هذا … احب جوال الى قلبي … ضاع او انسرق مني في الحج الله العالم … لكن الجوال دا … ذكريات كثيرة …. وله قصة عجيبة .
7- افضل ان ابقي هذه النقطة في بالي ….
8- الدراجة الزرقاء … ودراجة الـراب ولا حاجة زي كده مني فاكر …
على قد ماركبت دراجات … الا اني اتعلقت باثنين … تعلق مو طبيعي … الاولى … كانت وانا صغير … لونها والكتابات الي فوقها … كانت فلة … والثانية … كانت وانا في المتوسطة … كانت هذه اول دراجة اشتريها بفلوسي … طبعا … انتم عارفين في المتوسط ودراجة … جيدة وحركات وموديلها كان جديد … وتغير سرعات وفرامل مدري كيف … ودنيا … وقتها كنا في سكن الجامعة … وانزل بالدراجة الجديدة … ولا كاني راكب اوستن مارتن
على فكرة … حتى بعد ما نقلنا … وانا في الثانوية ما اتخليت عنها … وحتى بعد ما امتلكت سيارة … وانا في الجامعة … ما اتخليت عنها … الين جاء في يوم واحد من العمال طلبها مني … وعرض عليا فلوس … وانا رفضت … وابويا … قالي ياشيخ خلاص سيبها له … ورفضت … لكن اش اعمل … في نهاية المطاف … تخليت عنها … بعد ما العامل … ترجاني اكثر من مرة … ووافقت وبدون مقابل … فرحت العامل بيها … ذكرتني بفرحتي بيها … فاتاكدت انها بين ايدي امينة
9- اسوود هههههههههههههههه
الله يهديه … الي مرر الواجب ….
ذكرني باشياء كثير …. راح احتفظ بالنقطة هذه كمان لنفسي …
في اشياء كثير بتخطر في بالي … الان للنقطة رقم عشرة … وصراحة مني عارف اش اختار فيها ..
لكن اعتقد اني راح اختار هذه النقطة
10- الاطفال … ملائكة الرحمن في الارض … انا اعشق الاطفال بشكل مو طبيعي …
ولا اعتقد ان في احد ممكن يتصور كيف … احبهم …
—————-
همممممممممم
ما تحسوا اني نسيت شي في القائمة … او ان في حاجة ما حطيتها !!!! زي
Apple مثلا !!!!
القائمة … بتدور على 10 حالات حب … غير معروفة عني … والهدف نوعا ما من القائمة … معرفة شخصية الشخص الي قدامك … وخاصة في الاشياء الغير واضحة … عشقي وحبي لـApple مش محتاجة كتابة … او تعريف او وضع في القائمة …
في اشياء كثير للانسان … مهي محتاجة من الانسان … انه يحطها في القائمة … وخاصة الاشياء الي تكون واضحة للكل وظاهرة في العلن ….
تمرير الواجب …
انووووس
ياسر متبولي
Error
بندر رفه
يوسف انترنت
مجنون او الشخص المجهول الي غايب له فترة
Khaild-s
يلا محمد الركيان نحرك مدونته شويا
inouf
Lara Luna
غادة
برهوووم
قشقووش
ثمود كمان لا تنسى تحل الواجب
ماشاءالله حالتك رائعه
واشاركك بالنقطة الاخيرة ,, حب الاطفال
مهوووسة بالاطفال بشكل كبير ,,
عجبني حبك للاحتفاظ بالاشياء ,, تذكرني بالوالد ,, عنده اشياء ملابس / ادوات كبري ,, يقولي تعرفي هالبلورة كم عمرها ؟ 22 سنة قدك وفي اشياء اكبر مني بعد !
الف الف الف شكر على حل الواجب
مدونتي طال عمرك مازالت معطلة ومازلت في انتظار اليوزر نيم والباسورد
ما كنت اعرف انك ماهر في ركوب الدراجات
واجب كمان !!!!
لازم يا ملياني ألقى لي حل في حكاية الواجبات هذي.. يوماً ما راح أحط شعار عالناحية اليسار.. لا للتمريرات
أنا أحلى واحدة مكسلة بخصوصها .
بس ولا يهمك.. حـ يتحلوا .
فكرتني بالدراجات :”(
اممممممم لذيذ كتير هالواجب ومثل ماقلت الهدف منه معرفة الجوانب الشخصية في المدونيين
بس غريب سالفتك مع الملابس!! وشكلك اثري مررررررررررررررررره
بنت الروح
اكيد الاطفال … ملائكة الرحمن
هههههههههه
انا جنب ابويا ولا شي ….
في حب الاحتفاظ بالاشياء
يمكن شي … متوارث منه …
ولووووو على حل الواجب ….
ياسر
يا شييييخ
نسيت …
غادة خالد
ههههههههههههههههههههههههههه
والله انا اكثر منك ….
لكن اش نسوي … احيانا بخرج عن المووود الي جالس في المدونة
وانا في الانتظار
من زمان عنها والله ….
الله يرحم ايام الدراجات
لارا لونا
هههههههههههههههههههههههههههه
رغم حبي الشديد للتقنية … والتطور ….
الا اني في اشياء …. معينة … تقليدي جدا
[...] أيش بالضبط. عموماً التمريرات وصلوني من عالم أسماء و محمد ملياني [...]