اليوم بما ان اهلي في مكة … ليهم يومين ومطولين الجلسة هناك لبكرة … اصبحت Home Alone .
وكنت حغني امي مسافرة وحعمل حفلة بس يارب متجيش على غفلة 
… الخ
المهم … قابلت الشباب بعد صلاة الجمعة في 2nd cup … وطبعا سالتهم عن وضع الغدا … يوسف قال مشغول وتركي نفس الحالة …
صفيت انا وابي …
المهم … قلنا ها يجي Fud … وطبعا اقترحنا UNO الجديد …
قلنا خلاص Fud والا شويا ابي يقول لا UNO …
ركبنا السيارات رحنا UNO … والجوع شغال …
طبعا ونحن جالسين في 2nd Cup اعطونا كيكة جديدة هدية كانت رائعة 
.
المهم وصلنا UNO ..
معليش المطعم للعائلات …
لاحول ولاقوة الا بالله ! اش الكلام دا .
ركبنا السيارة ورحنا Apple Peas ونحن نقول اللهم اخزيك يا شوشو
وصلنا هناك ونفس الحالة … اصلو النهاردة جمعة وزي كده وانت عارف والمطعم مليان عوائل … وانتم شباب مايصحش …
يعني نحن شباب نموت من الجوع … ننحرق عادي … طز فينا .ماناكل احسن .
المهم … انا قرفت وقلت لابي خلاص … المهم ابي قالي روح قضيها رز بخاري احسلك … من جب البيت .
وسالني سؤال قالي ما نحن دايما كنا ناكل بعد الجمعة …
انا طبعا عدلت الكلمة لابي … قلتله كل المطاعم الي رحناها يوم جمعة كانت شعبهة 
المهم … رحت Fud واحصل نفس الحالة 
عوائل بس …
انا لله وانا اليه راجعون … اللهم اجرني في مصيبتي … يعني اني اكل من مطعم محترم مافي .
المهم ركبت السيارة ورحت Rubby ومن عند الباب اقله بس ابغى اطلب To GO ما ابغى اكل عندكم … الله يخليك … جيعان …
بديت اشحت من الجوع … خلاص ..
قلي Welcome Welcome …
ودخلت المحل والله وفي قسم شباب … بس الظاهر لان المطعم ماكان زحمة … فكان قسم الشباب مفتوح …
المهم … جلست في البار … وطلبت … ما ابغى اكل في المطعم باخد الاكل معايا …
هذه اول مرة اجلس في بار في حياتي يعني عشان تكونوا في الصورة … المهم … طلبت مارغريتا بلو … حركات … وجبلي هيا … ودفلي الكاسة كده بطريقة عجيبة …
حسسني اني بمثل فلم وانا البطل ورحت اجلس على البار …
المهم … اتكلم معايا الرجال وهو يسوي العصيرات … ويخلط انواع عجيبة …
وهو يسالني كيف يومك Sir !
انا كان ودي اقووول … ياشيخ رووووق اي يوم دا الي تسال عنه … مطاعم ما يبغوا ياكلوني … ولا خطيب الجمعة المنسم …
ولا الشوارع الي في جدة والقرف حقها ، ولا حالنا ولا حال المسلمين ولا حال البلد …
المهم مسكت نفسي وقلت Fine …
المهم … شويا الي مايقلي كيف عصيرك … هل استمعت به !
وانا اطالع فيه … اكيد !
قالي … تعرف اش ناقص مع العصير …
انا طبعا وقتها كنت اتفرج الاخبار في التلفزيون BBC وشايف خبر اطلاق صراح الفلسطينين …
المهم قلتله لا اش ناقص …
فال ناقص ستيج يكون في بنات حلوين يرقصوا !
انا وقتها طبعا فكيت ضحك … ولا قدرت امسك نفسي ….
قلت فينك يا …. ولا بلاش اقول الاسم …
المهم … وقتها قلت في نفسي … يعمي … صحيح مافي ستيجات في العلن … بس الله يستر علينا وعلى امة محمد صلى الله عليه وسلم .
المهم … سالته … واش المكون الثاني الناقص … !
قالي العصير حقك … غير كحولي … لو كنت في دولة ثانية … كان خلطنا شويا مع العصير ….
انا طبعا مع الكلمة هذه … خلاص …. بديت اضحك من جد …. واقول لا حول ولا قوة الا بالله …
انا رديت عليه … قلتله … حتى لو كنت برى ما حطلب شي بالكحول … اسير مجنون لو بيدي طلبت حاجة تودي عقلي …
اش الفرق بين المجنون والسكران !
…. المهم سالني الرجال
Where are you from sir !
وانا ارد عليه
From here , from Saudi …
الرجال وجه اتقلب وخاف … وبطل يهرج معايا …
انا صراحة استغربت من الخوف الي خافه الرجال … يعني هل هو عارف ان الكلام هذا غلط مثلا الي جالس يقوله بس قاله !
ولا قيد قاله لواحد وانفرش عليه مثلا !
تساؤلات كثير جات في بالي !
شكيت في اسلوبي للتعامل مع المسالة … يعني هل كان المفروض اني اخش في الرجال واقله انت اش جالس تقول واقلبها مشكلة … ولا اش اعمل ما اعرف
انت لو كنت محلي اش كنت حتسوي !
هههههههههه أنا لوكنت مكانك كنت مشيت معاه للآخر ونشوف ايش قصتو
يمكن نستفيد
بس قصة مؤثرة وحسستني بالذل الي الشباب عايشين فيه هناك.
عندي سؤال :”قلت فينك يا …. ولا بلاش اقول الاسم” تتوقع أعرف الشخص دا؟؟؟
p-:
من جد فينك يا ……. !
هههههههههه
الرجعة السبت ان شاء الله مساءً … حزنتني! ماكنت ادري انه الوضع وصل لهذا المستوى.
هههههههههههههههههههههههههههههههههههه
من جد مشي حالك ،،،، انت عايش مبسوط في بلاد الفرنجة
ههههههههههههههههههههههههههههههههههههههههههه no comment
ياسر ….
ههههههههههههه
بالسلامة ان شاء الله …. ليك وحشة ياخي من جد والله …
هههههههههههه
تراك راجع قريب
ايه والله في بلادنا …
المغضوب عليهم هم الشباب …
بسبب غلطه كم من …… و الا بلاش نقول … الشباب صار مغضوب عليهم
الله يعين ..
سلام
لهدرجه شكلك أوروبي ياميلاني
يمكن الرجال كان يستدرجك … يمكن يطلع من هالشله الفاسده أصحاب السكر والنكر اللي يصتادون شبابنا السعودي ويأخذو مافي عقولهم و ” جيوبهم “
والله و أتبهدلتوا إنت و أبي يا ملياني بعد ما مشينا
هههه
أما بالنسبة لساقي البار هذا فشكله جاته سكته قلبية لمن عرف إنك سعودي و قال له عقله يمكنك راح تبلغ عنه أو شيء، عموما أنا لو كنت مكانك كان كملت معاه زي ما قال قشماق و يمكن بس ما كان قلتله من فين أنا، كان سحبت بيه شويتين زيادة
طبعا لو مكانك مستحيل أضحك، بالعكس بيضيق صدري
لكن التصرف اللي باتصرفه أعتقد بأني بأقوله كيف تبغى شيء يغضب الله عز وجل وإذا كان هو غير مسلم بأشرحله مميزات الإسلام وأقول له شوف لأن ما عندنا هالخرابيط كيف بلدنا نسبة الإيدز فيها قليلة وكيف أسرنا أكثر تماسك من أسر الكفار
يعني بأنكر عليه كلامه وغير كذا بدون ما يدري يمكن أعلم مدير المحل أو أتصل هاتفيا بصاحب المحل ويمكن أشتري كتاب عن الإسلام بالإنجليزي وأعطيه إياه لأن اللي زي هذا بتلقاه زهقان من الدنيا وفيه إحتمال كبير جدا يسلم ويكون لك مثل أجره زي ما انت عارف
جرب انت واعطيه كتاب مناسب وشوف وهناك الكثير من العمالة الفلبينية يسلمون هنا في بلدنا ولله الحمد
وإذا في بلد التوحيد وقريب من مكة وصلت بهم الجرأة لهذا الحد ، فيجب ما نسكت أبدا
بس أعجبتني أخي محمد يوم رديت على سؤاله حق الخمر فعلا كلامك صحيح
وفقك الله ورعاك
ممكن حل وسط .. يعني مو شرط تهجم عليه مره وحده ..
او تسكت ..
يعني تاخذه باسلوب .. وتنصحه مثل ماقال الاخ عبدالله ..
والله ناس تحزن .. كحول ..رقص ..بنات .. طيب وبعدين .موت قبر وحشه ..
الله يرحمنا ويحسن خاتمتنا ..
اش رايك ترجع له مره ثانيه او ترسل له احد من صحابك ..وتبدء تنصح ..ولو تتكلم مع قروب يلا شباب واحمد شقيري .. بيساعدونك لانهم خبره في التعاون ونشر الدين والعلم بطرق محببه .. يمكن يهتدي بسببكم ..
بالنسبه للجوع …ترى يمدحون اندومي ..:))
أتفق مع الأخ عبدالله ، لكن مو لدرجة تشرح له الإسلام الخ ، هدي يبغالها جلسة و شغلة و الرجال يقولك جيعان و مو فايق
يعني لو كان مسلم كان خلاه يشرك.
لكن شئ غريب صراحة، كلامه دا يدل على أنه كان شغال في مكان ما (ممكن دولة عربية أو غير عربية) و شاف الشباب العربي - المحافظ جدا - لمن يدخل بارات و يسوي المصايب و بلاشي أحكي زيادة.
أنا مستغرب ليش انفجع لمن قلت له سعودي ، المشكلة شكلك سعودي ولا إمكن كنت لابس برمودا و حالق أصلع و مغير في وجهك و انا ما أدري…تعرف لييه فترة ماشفتك D:. لا تكون غيرت (خلـئتك) !.
ولا تفكر تروح مطعم عدل في نهاية الأسبوع من غير ما تتصل ، آخرتها شكلها حتى البيك و ماكدونالدز نهاية الأسبوع عوائل…..الله اعلم إمكن القرموشي كمان.
ياخي رجعت واتصل بك ماترد
ترى بعدين اكل الشوكلاتة
هههههههههه
احمد ربك ..قبل يومين رجعت مجمع الظهران وكان فيه اماكن للعزاب ياكلوا فيها بس الأخ المطوع
اللي في الهيئة واقف وما يخلي اي اعزب يدخل جهه المطاعم..يعني قاطع رزق المطاعم..
وطبعا مافيه مطاعم عدله زي جده..يعني تقدر تقول ان الشرقية صايرة منطقة لتكفير الذنوب
يا ملياني.. اتمنى انك تزورني انتا و بنر والشباب ..تخيل ان اغلب المطاعم الفخمه هنا تقفل الساعه
11 بالليل؟؟
خخخخخخ والله مساكين الشباب بدأوا يحزنوني مع معاناة المطاعم
ملياني
معقولة الكلام اللي صار معاك في جدة؟
يالله 3 سنين بعدت فيها عن البلد مرة اتغيرت
اجل لو راح اجلس 10 سنين اش بيتغير
احس لو رجعت بكون زي الحجاج ماني عارفة راسي من رجولي
الله يستر علينا وعليكم بس
Saudi_espresso
ههههههه
بلاش سياسة
ابراهيم
ههههههههههههههه
شايف كيف
لا تخاف صاحي مني حق الحاجات دي الحمدلله
يوسف
الله يهديكم مشيتو وسبتونا جيعانين
هههههههههههه
والله انا ماكنت فايقله مرة … الجوع عاميني
عبدالله
شاكر لك مرورك ورايك
green heart
ترى الرجال كان بيمزح
بالنسبة للاندومي
فهذا المنتج من زمان بطلت اكله مع الرجيم
وتراني اعرف اطبخ تمام
واستحالة … استحالة … اذا كنت جيعان وكان وقت غدا اني امشي حالي باي شي … اذا مافي مطعم … فانا اشرف في المطبخ .
وشاكر لك مرورك
الاحلام
هههههههههههههههه
ترى الرجال كان يمزح … وخاف انه مزح معايا بدا الاسلوب
عبدالرحمن … انا زي ما انا
من جد شكله حتى مطاعم الرز البخاري بتسير كده
ياسر
بتذلني يعني انك جايب شوكلاتة ليا
لا اله الا الله
محمد بن سالم
هههههههههه
والله مشكلة هذه … من جد مشكلة
انا سمعت هذا الشي … الدنيا كلها تنام بدري عندكم
الله يكون بعونكم …
اسماء
ههههههههههههههههههههههههه
افرحي فينا …
انتي في ماليزيا ومبسوطة
والله معقولة كل الي سار …
هههههههههههه
صاحبي غاب اسبوعين
ورجع قال اشا دا كل شي اتغير
فما بالك 3 سنين ….
اللهم امين يارب
انا مره انخرشت ،،، واحد يقلي انا من يهود اليمن .. ماسويت اكتر منك يا ملياني ضحكت في وجههو …