اول شي … الحمدلله على السلامة
لاني تهورت اليوم … مواصل صليت الفجر وانفي يرعف دما … ورحت بروح عن نفسي في البحر ..
ربنا ستر في كم مرة الحمدلله …. بالي مشغول بالتفكير بعدة امور واحتاج لحسمها .
رحت للبحر كالعادة ابحث عن جواب ووضع حد لتفكيري … او التوقف عن القيادة لعدة ايام … لكن للاسف الشديد … لم استطع ان ارى الجمال في البحر .
ليس كالعادة عند الذهاب … في كل مرة اذهب ارى جمال البحر … هذه المرة … رايت مناظر لا تسر الناظرين ابدا …. هل السبب حالتي ! ام انه البحر !
توضح الصور الحالة المرثية التي وصل لها البحر … اش اقول غير حسبي الله ونعم الوكيل في الي كان السبب .
يعني حتى المحل الي رحت اريح فيه … خلاص شكله انضرب … خلاص اش بقي !
الله يستر مكة لا يسير فيها شي … رغم ان الوضع في رمضان وقت الافطار ماساة كل ما امشي … الاقي نفس دعست بزرة تمرة .
هل هذه الصور تدل على الحضارة !
هل هذه الصور دليل على التعلم !
هل هذه الصور دليل التقدم !
ياجماعة الخير عيب كده ! والله عيب !
النظافة من الايمان يا شطار …. لازم تسمعوا الكلام
وماترموا القاذورات في اي مكان .
وضعوها في سلة المهملات .
طيب يا شطار !
الظاهر لازم نسوي حملة في البحر … ونوزع اوراق فيها الكلام هذا !
بس لاحياة لمن تنادي !
ونجلس نندب حظنا ونقول شوفو وصلوا فين ونحن فين !
ابداء بتنطيف المكان الي انتوا فيه ….
حرقتوا دمي اكثر مماهو محروق اش اقول بس !
مايرضيني احرق دمكم زي مادمي محروق !
عشان كده بحط لكم هذه الصورة اخدتها اليوم ….
للشمس
والي بعدها صورة صورتها في عمان
بصراحة ناس همج .. وحرام فيهم بلدية …
انتا لو ئلتو عارف ايش يقلك ؟؟
يااخي قاعد أأكل السمك …
الله المستعان
وايش كرهنا في بحر جدة غير المنظر المقزز هذا
بجد صرت ما أرح للبحر من زمااان عنه يعني من إجازة صيف مرة أو مرتين
بصراحة بحر ينبع مررررررة خطير نظافة وروقان
إن شاء الله ما يلحق بحر جدة
قبل كذا قرأت عن حملة عملتها مجموعة من يلا شباب جدة
كان حملة تنظيف بس الظاهر ما كملو كم يوم إلا رجع الوضع زي ما كان
ربك يعين ناس ما تفهم
بالفعل منظر مؤسف
وين العالم .. ياخي شوية احترام على الاقل للبيئة .. كذا جده بتروح فيها
فكرة تنظيم حملة للنظافة مهمة يا محمد .. ولو تطبقها مع بعض الشباب المتحمس للفكرة بتعطي نتائج حلوة على الاقل بتلفت نظر الشباب الاخرين لاهمية تظافة الشواطئ وانها مسؤلية الجميع
سبحان من طفولتي اكرررررره بحر جدة
دايم فيلو حاجات ومحتاجات
ماتغيرت
ولا راح تتغير يمكن خلاص صارت معلم طبيعي
تذكرت انهم سوو حملة تنظيف للبحر ولقوا اشياء سحر وخرابيط
دايم اقولها مشكلة جدة انها محطة وافدين من كل مكان في العالم
طبيعي ما أحد يحس ان هالديرة مكانه وحقته ولازم يحافظ عليها
فيقول ياعمي مو بلدي عادي ووووسخ
مشكلة بلديييية نايمه على ودانها
مشكلة ناس غير حضاريين
مشكلة انو انتو يا أهل جده ماتصرفتوا ولا تكاتفتوا تحلو موضوع زي ذا
Ano0os
الظاهر انك مو من انصار السمك !
تالا …
ماقيد حصلي الشرف ببحر ينبع
في اماكن كثير حلوة في بحر جدة … لكن الي تكون نوعا ما مهجورة
محمد الشهري
جات وراحت على دي !
NeeArt
انتي تكرهي جدة خير شر شكلك !
والله بحر جدة … في اماكن جدا جميلة والصور في التدوينة السابقة … تشهد …
قد يكون السبب هذه المرة … نظرتي وقتها لمواضيع ثانية … فرايت المناظر هذه …
في اماكن جدا جميلة في بحر جدة .. مايعرفها الا اهل جدة … واعتقد من الافضل انها تكون حكر عليهم
جدة بوابة الحرمين … وافدين من كل انحاء العالم بالفعل لذلك طبيعي تكون بالشكل هذا .
في تحسن كبير في بلدية جدة واكون كذاب اذا انكرته ان شاء الله يستمر على كده
كلو على اهل جدة … مساكين والله اهل الرخا والشدة
ااخر زيارة لي لمدينة جده تقريبا من 7سنوات واذكر اني كنت مستمتعه جدا بمنظر البحر بس اللي خرب على كان فيه روائح كريهة وبرضو اوساخ جد تحسفت على هالحال يعني اذا المواطن او المقيم مايدرك اهمية النظافة ولا احترام البيئة صعب تطلب من البلدية انهم يهتمون بتنظيف عقول هؤلاء المفسدين لجمال البحر..
عموما اتمنى يزول همك قريب وبس تحس حالك منعنش كدا صور لنا منظر أخر للبحر بحالتك الجيدة أكيد راح تشوف اشياء تشرح الصدر…
تحياتي لك
LaRa LuNa
ياساتر معقول من زمان عن جدة كده ….
في اماكن كثير حلوة في بحر جدة ….
قد تعجبك هذه الصور
http://www.milyani.com/arabic/milyani/2007/04/10/414/
واااو كثير عجبتني وخصوصا العصافير على الصخور مره جنان
تشنكرات خيي