ها هيا الايام تمضي سريعة لا اشعر بها 
قبل اربعة اشهر من اليوم كان اول يوم لي في بداية لمحاولة انقاص وزني .
قبل اربعة اشهر من اليوم ابتعدت عن كل الوجبات الجانبية .
قبل اربعة اشهر من اليوم ابتعدت عن المشروبات الغازية .
قبل اربعة اشهر من اليوم ابتعدت عن الوجبات السريعة .
بمرور الشهر الماضي كنت فقدت ١٧ كيلوا من وزني .
الاسبوع القادم يوم الاثنين من المفترض رؤية نتيجة هذا الشهر مع اخصائية التغذية “”الله يستر”" لمعرفة اين وصلت .
تمنوا لي التوفيق
وهذه بداية الطريق
تعرضت للكثير من المواقف خلال هذه الفترة التي اثبت لنفسي اني اتمع بقوة في الارادة ….
لكن اكثر مايسعدني في الموضوع … ابتعادي عن المشروبات الغازية
حتى مع الوجبات الدسمة ، بل حتى عندما قدمت الي ، بل حتى عندما لم يكن امامي غيرها لشربه .
“”تراني كنت مدمن عليها مرة “” قد يصل العدد الى ثلاث او اربع علب يوميا …..
اتذكر اني حاولت رجيم اكثر من مرة لكن عمري ماتوقفت عنها وكنت اشرب الدايت منها بحجة انها اخف …
هذه المرة كان الوضع مختلف حتى الدايت منها توقفت عنه
مبروووك الف مبرووووك يا صاحبي
وانا عايشت هذا الانجاز واشهد لك بقوة ارادتك
وياما شاركتك في أكل الرجيم والله اعلم!
دحين اتأكدت من قصة “الليل والنهار”
ألف ألف مبرروووك
الله يقويك يا محمد وتابع وثابر والله يبعدك عن السم هذا الي اسمه ببسي الله لا يعيده
ومتفائلين إن شالله خلال شهر كمان توصل إن شالله للمطلوب =)
الله يوفقك يارب
مبروووك و الى المزيد إن شاء الله
و عقبالي
ما شاء الله عليك ألف مبروك و صراحة أنا أشهد إنك قاومت البيبسي و كل المشروبات الغازية
أنا متفائل إنك إن شاء الله راح توصل للوزن المطلوب و أكلك راح يكون صحي أكثر و ساعتها راح نستشيرك
يلا شد حيلك و لا يغريك أحد بحلويات ولا سيريلاك خخخخخخخ.
على فكرة،
أنا عازمك على تشيليز الأسبوع الجاي ، أيش رأيك ؟
Yasser
الله يبارك فيك
NeeArt
الله يبارك فيك ….
والله لسه محتاج اكثر من شهر …
RedMan
الله يبارك فيك وعقبالك ….
يوسف رفه
هههههههههه
حلوة …
تستشيرني
الاحلام
ههههههههههههههههه
احب السيرلاك ترى …..
على فكرة … في وجبات كثير مسموحة ليا في تشيليز …. لذلك قبلت العزيمة
الفترة هذي مسموح ليا بي ١٨٠٠ كلوريز في اليوم …
بس اهم شي ابعد عن اشياء معينة …
تصدق شكلي حأمسك معاك خط في الرجيم دا ..
بس إنته قوي الإزادة و هذا شيء ممتاز ..
عقبال وزن الريشة
مبروك يا أخي محمد
مبروك على هذا الإنجاز ومبروك على قوة الإرادة والتحمل
ياحظك بهذه القوة وماشاء الله تبارك الله
الله يوفقك
بند
سلامات
تبغى تختفي انت !!!!!!!
بس حلوة قوي الازادة
ماشي صح …
الله يبارك فيك ….
والله يوفق الجميع
على فكرة
لسه ودي اسالك وين الرجعة
واشوف التفتفة في ال
rss
أعظم شي هو تخليك عن البيبسي و اعوانه.. هدا انجاز بحد ذاته تبارك عليه..
أصلا مدري كيف الي يشربوه يشربوه.
تصدقي بالله
في الفترة الاخيرة
سرت استغرب كيف كنت اشربه
كيف؟؟؟؟؟؟
ساعدنا الله يسعدك يا ملياني…
يعني عطينا شوي تفاصيل عن كيف حققت هذا النجاح!
ابو جوري
٠٠٠٠٠٠٠٠٠
اعتقد لو احد غير كان كتبلك
الشغلة يبغالها قوة ارادة وتصميم وتغلب نفسك
وتصرعها وتجلس تقول لنفسك انت حتقدر وانت مدري اش وكلام كثير من النوع هذا ….
بكل بساطة …. النجاح هذا جا من حوار بسيط بيني وبين نفسي ومن الخوف ….
الخوف من المستقبل …
جلست افكر لو استمريت كدى اش حيسير …. ولو صلحت اش حيسير ….
حسبتها بالعقل …. مسكت ورقة وقلم ….
الببسي ، السفن ،،، لذة اوكي طعم اوكي ،،،، بس في النهاية لما اكبر حتى حلاوة ما اقدر اكلها وكل يوم والثاني ابرة ولا كيس دوى وانحرم …. من لذات ثانية كثير ….
قس على ذلك باقي الاشياء كلها …. سيبك من غلبة النفس والكلام هذا …. فكر بعقل راح تلاقي نفسك تستجيب
الان كل ما اشوف علبة ببسي ، اتذكر الضرر الي حيسير من ورى العلبة هذي والمنفعة …
كل ما اجي باكل اكل ، اتذكر كيف حيكون مستقبل وكيف حيكون لو ما اكلت …
جربت الكلام حق القدرة والتحمل وقناع النفس ،،، طلع كلام فاضي … على الاقل معايا …
هذه المرة كل الي سويته كان اني استخدمت عقلي في العملية هذي ….
ما انكر في البداية كان تعب ….
احيانا العين تشتهي مو البطن ….
لما العين تشتهي صعب توقفها لانها بتئثر على كل شي …. فكر بعقلك راح تبدا تحس بضيق ويزيد شعورك بالرغبة انك تاكل فكر بعقلك مرة ثانية … وانسى الشي واصرف نظرك عنه …. بعد شويا … راح تلاقي تشعر بشعور اجمل واقوى من الشعور الي كنت حتشعر بيه لو انك اكلت
الامر الاخير
في البداية بدات برجيم جدا قاسي …
في الافطار والعشاء كان حبة تفاحة وحبة برتقالة
والغداء بين نصف الى دجاجة مشوية على الفحم دون عيش او رز
وكل ما جعت اكلت تفاح او برتقال ….
بعد فترة اتعودت على النظام
بديت انوع في الاكل
لكن مع الابتعاد عن المقليات … الا اذا كانت سمك
والابتعاد عن النشويات قدر الامكان
محاول اكل المفيد ….
الشهر الماضي زرت اخصائية التغذية وحددت لي ١٨٠٠ كالوري في اليوم ….
ورجيم معين ….
مع عدة اختيارات في كل الوجبات ….
تقريبا هذا كل الموضوع
ما شاء الله عليك بالعافية بس انا عكسك تماما انا باقي شوية واختفي ضروري اكسب وزن!!
[...] قد تكلمت قبل فترة عن الرجيم الذي اقوم به … واني ساعرف نتيجة [...]