صراحة لم استطع ان امسك اناملي من كتابة هذا الموضوع …
والذي اتمنى ان اتمالك نفسي اثناء كتابته وما اغلط كثير …
يوم السبت الماضي … ذهبت الى مطار الملك عبدالعزيز الدولي للاستعلام عن شحنة تصلني من اقاربي في عمان … وذهبت الى المطار وبالطبع ذهبت الى مكتب طيران الشركة التي تقوم بنقل الشحنة …
(انا)(السلام عليكم ورحمة الله وبركاته)
(الموظف)(لا مافي احد على الطيارة بالاسم هذا)
(عميل اخر)(اتاكد ياخي اسم الرجال …. )
(الموظف)(لا مافي - اش اسم مرة ثانية)
(العميل)(……)
(الموظف)(اوووه فيه موجود هنا بس اسم زي كدى)
(انا)(مقهور ما اترد السلام … بس جالس اتفرج)
خلصوا الاثنين ومشي العميل …
(انا) (السلام عليكم ورحمة الله وبركاته)
(الموظف) (وعليكم السلام )
(انا) (في شحنة ليا توصل اليوم من الطائرة رقم وهذه صورة من البوليصة)
(الموظف)(هذه ليست من صلاحياتي وهذا رقم الجوال المسئول واسمه … )
خرجت من المكتب واتصلت (السلام عليكم ورحمة الله)
(المسئول)(وعليكم السلام)
(انا)(الاخ … بن فلان معايا)
(المسئول) لا مو معاك …. تبغى مين ياخي انت …
(انا) (معليش الاسم مو واضح وقلت كم اسم لين ماعرفت اقرى الخط )…
(المسئول) ايوه معاك … اش تبغى …
(انا)( ابدا ليا شحنة توصل على طيارتكم رقم … والقادمة من )
(المسئول) ( طيب اش اسويلك ، انت شايف الطيارة نزلت عشان تسئلني ، لما توصل الطيارة كلمني ونتفاهم ) بالعربي بيقلي اقلت وجهك مني فاضيلك …
(انا)(ياخي انا ابغى استفسر اش حسوي )
(المسئول)(بكرة تستلمها من الجمارك … مو عندنا)
(انا)(ياخي وقت الشحن قالو اني استلمها منكم في المطار)
(المسئول)(انا اشلي كلمهم هما ، انا مالي صلاح )
(انا)(عفوا انت موظف في اي شركة )
(المسئول)(انا موظف في شركة …. ) نفس الشركة يعني الي جايا الشحنة معاها …
(انا)(طيب ياخي المفروض استلمها من عندكم ، ولو اعرف انها كدى كان خليتهم يرسلوها مع راكب)
(المسئول)(انت غلطان ليش تشحنها معانا ، مرة تانية اتعلم ولا تغلط الغلطة هذي مرة ثانية … واشحنها مع راكب ولا شركة ثانية )
(انا)(اصلا الغلط اني اتعاملت معاكم ….(طوط)(طوط) …. ) …
دخلت مرة ثانية للمكتب … اسال الموظف اديني رقم موظف اعلى من الي برى
(الموظف)(ليه ا ش قلك )
(انا)(قال …… عدت الكلام )
(الموظف)(خلاص اش تبغى … هوى كدى)
(انا)(اديني رقم المسئول)
(الموظف)(هذي قوانين بلدكم …. )
(انا)(اديني رقم مسئول)
(الموظف) تجاهلني تماما ولا كاني موجود
(انا)(طووووووووووووووووووووووووووووووط)
—————————————-
رجعت البيت ….
يجيني اتصال على الجوال وكنت مشغول ما انتبهت
رجعت اتصلت على ال miss call
(المسئول)(انت الي جايتك شحنة من ….. )
(انا)( نعم)
(المسئول) (بما انك انسان غير محترم وقليل ادب وطولت لسانك على الموظف ، صادرت الشحنة عشان اربيك (طووووط) وقابلني لو قدرت تخرجها ولا احد خرجلك هيا ) وقفل السماعة في وجهي وبعدها كل ما اتصل ما يرد .
—————————————-
ركبت السيارة ابويا ركب معايا طبعا ،،، وفي الطريق للمطار ، اتصلت بالادارة
طبعا ،،، مافي في التلفون اي شيء لخدمات الشحن ، كلها للحجز …
كلمت موظف … وشرحت القصة اعطاني رقم جوال المسئول في جدة … وقلي قصتك مسجلة وراح نرفعها للادراة …
مسئول جدة اعتذر ،،، وقلي انا حرفع شكوى على الموظف واعطاني رقم المسئول في المطار عنهم …
كلمت مسئول المطار … للاسف كان خرج من المطار … شرحت القصة ، فقلي ان الموظف الي كلمني مالو اي دور في الموضوع وقصة طويلة عريضة وطلب مني خطاب شكوى يترسل عليهم لرؤية المشكلة من فين … والتحقيق
=======================
طبعا ثاني يوم رحت الجمارك السعودية واستلمت الشحنة …
الان لا احد يحسب اني اتكلم عن الخطوط السعودية …….
لا تخافوا
طيران الخيلج هيا الشركة الي بتكلم عنها ….
الظاهر انهم لحقوا الخطوط السعودية او انهم زي الخطوط السعودية في الاساس ،،،، الله اعلم ….
——————————————-
لاحول ولاقوة الا بالله
والله ارتفع ضغطي من الي صار لك محمد
حسبي الله ونعم الوكيل الله لايحلل راتب الي يتعامل مع الناس كذا ولايبارك فيه يارب !!
استغفر الله العليّ العظيم شي يرفغ الضغطططططططططط
عموماً ..
محمد هذا نموذج لـ ( قلة الخبرة في التعامل مع الزبائن الكستمر سيرفرس ) ونموذج لعدم الوعي لدى بعض الموظفين السعوديين في أي قطاع حكومي او خاص .. ونموذج للشخص الي يخلط بين عمله وبين حياته ..
تلقاه متهاوش مع زوجته وجاي حاط حرته في الناس
الله ياخذهم ويفك دولتنا من هالحيوانات الي مثلهم ..
باسم
عذراً على الالفاظ ، بس والله انقهرت وتذكرت مواقف كثير جت في بالي مثل الموقف الي صار معاك ، حسبي الله ونعم الوكيل
يعمي — انا ما اجلت كتابة الموضوع اسبوع كامل لسبب واحد اني امسك نفسي من السب ….
انا قلت الكلام هذا للمديرين الاثنين
قلتلو هذا تصرف غير مقبول وفين الكستمر سيرفس حقتي …
ترى ليك ان تتخيل يومها كيف كنت ،،،، ولو تعرف الشحنة اش فيها … راح تجي وتذبح الرجال …
ذكرتني من ضمن الاسئلة الي سالني هيا الموظف المسئول
الشحنة اش فيها !!!
رديت اشياء شخصية
سالني مرة ثانية اش موجود فيها …
فرديت عليه فيها (١ ، ٢ ، ٣) ثلاث كراتين
ووصفت مابداخلها
فرد عليا
اذا خلاص مو مشكلة بس بكرة تاخدها في الصبح ليش مستعجل …
نسيت هذه الجزء …
اهم شي مايكون Mac الي جواتها ،، ياشيخ كان اجلس في المطار انام فيه انتظر يجي الصندوق ههههههههههههههههه من الحماس
اوف اوف
بصراحه سالفة قوية
بس ترى طيران الخليج سمعتها زي الزفت
وكثير من موظفينها طلعوا منهـا ،لأن في تقارير قوية تقول الشركة على وشك الإفلاس
الله يعين
المهم ان شحنتك وصلت وسليمة
يقهروا من جد …
ايش الكلام الفاضي هدا
كان كلمتني رحت معاك انت وأبوك نسوي مضاربة هناك
أنا مش متخيل انت ايش سويت
فاكر اكسترا؟
خرج تصير مسلسل القصة فيها حبكة مو معقولة
استمتعت جدا بقراءتها و لكن المضمون لا اقول لك الا حسبنا الله و نعم الوكيل
بصراحة توقعت الشركة تكون العربية بس طلعت طيران الخليج
انو يكون في غلط و تأخير تتبلع, بس وقاحة في الكلام؟؟؟؟
لاء الخطوط السعودية أهون, لهم حركات قرعة بس ما وصلت لكده…
حرباز - باسم السلوم
للاسف Mac
ومو اي ماك
Mac Pro وشاشة ٢٠ انش من Apple …
——————-
ماشي صح
الحمدلله وصلت سليمة ولا كان تلاقيني مجلوط دحين
ano0os
يعمي we should make it smile you in the Arabic Worlds ….
Yasser
لا تخاف ما قصرت
انا كنت مستني بس ما الاقي الشحنة في الجمارة ثاني يوم
او لاقي التغليف مخدوش بس
بس الحمدلله كل شي تمام
RedMan
يعمي طيران العربية احسن من طيران الخليج
الا اذا في شيء ما اعرفه عنها
kolita
وقاحة كلام لابعد حدود ،،، الخطوط السعودية طلعوا ملائكة ….
عادي وتحصل كل يوم
الله المستعان بس “(
أووووووووف .. : بيأدبك أجل؟!!
أبوك أو أمك أو ايش ؟!! شكلهم ما سمعوا بخدمات العملاء أبداااااااااا !!
الله يعيننا على الخدمات الزفت .. اللي تقدم لنا بروح زفت !
هديل
طالت غيبتك في التدوين ….
من جد …. خدمة سيئة بروح سيئة …
ههههههههههههههههههه
والله يا ابو احميد انك طيب و محترم… والله لو انا مكانك وقبل لا أطلع من المطار
في المرة الأولى بعد ما قال لي الرجال انك غلطان تشحن معانا.. والله كان ربيت
الموظف اللي قدامي بداله و اخذته معايا بالقوة لادارة الجمارك و اسوي مصيبه
للشركة هادي..
حسبي الله عليه و نعم الوكيل انا ارتفع ضغطي بعد و الشغلة مو صايرة لي فكيف كان موقفك انت الله يكون بعونك
حسبنا الله عليه و نعم الوكيل