اليوم الصباح ، اختي الصغيرة قالتلي انها جابت فلم كيف الحال وقالتلي اش رايك تتفرج معايا على الفلم .
بداء الفلم وطبعا مع بداية الفلم ، انا بديت الانتقاد ، اولا الفلم اخراج سيء للغاية ، صوت وصورة سيئة تذكرني بافلام الابيض والاسود حقت السنما الامريكية اول مابدات .
المهم ، قلنا يلا اول مرة يعملو شي زي كدى ، رغم ان الاخراج صوتا وصورة في المسلسلات العربية هذه الايام وصل لمراحل متقدمة جدا .
قلنا يمكن القصة معبرة ولا شي .
القصة تتكلم عن الشعب السعودي ، بنوع من التفاهة .
ما اقول انها اشياء غيرت واقعية ، يمكن كلها واقعية ، لكن اسلوب الطرح كان تافه.
في نهاية الفلم راح تكتشف انك ضيعت وقتك على الفاضي وكان ممكن خلال هذا الوقت تعمل شيء افضل من متابعته .
الفلم انتهى وانت تشعر انك ماشفت شي ، يعني مافي قصة اساسية للفلم يدور حولها .
بس عالم فرحانة طلعت وبتتكلم عن قشور المشاكل في السعودية .
الممثلين غير متقنين ادوارهم وتحس انك جالس تتفرج على مسرحية اطفال صغار في الابتدائية وانا اعتذر لاطفال الابتدائية .
الفلم باختصار خالي من القصة وبدون معنى
(((تحديث)))
طبعا مع القصة هذي نسيت شي مهم جدا
في البداية خلاني احب الفلم يعني
بس خربوا طعم الشي هذا
ان في بداية الفلم كان في iMac شغال عليه هشام 
طلع iMac في اول فلم سعودي
كويس ماكان وندوز
دي يمكن بداية خير
أنا أكثر شئ عجبني و خلاني أكمل الفيلم وجود الimac لكن فجأة حسيت الفيلم مقطع يكونوا بيتكلموا عن شئ و يحولوا على شي ثاني .. بس هذي أول محاولة نشوف ثاني محاولة كيف حيكون حالها
كيف الحال .. ان شاء الله تمام ؟؟؟
تحس من اسم الفلم انو واحد فاضي ويبغى يهرج بس
انا شفتو في اول يوم يعرض فيه وماكملتوا لاني مااقدر استحمل ردائة التمثيل مع احترامي للممثل خالد سامي (الجد)
بخير ربي يسلمك …
إنته كيفك إن شاء الله تمام …!
أصلي اندمجت مع العنوان ….
والله فعلا أنا قايل في أحد المدونات إن الفليم متخلف ابتداء من اسمه … والشي الثاني هشام حقه يروح يبيع حبحب عند المسجد
بالله مايستحس على وجهه هذا فيلم يسويه فنان له مكانته في المجتمع وشبعيته كبيرة عند الجماهير
شوفت الفيلم إلي سواه محمد عطيه صح إنه خايس لكن أرحم شوي …
إلا على فكرة … مريت كومتيل … ؟
وإلأا لسى … إلحق ترى بكرة آخر يوم
@>–
تحياتي
سلام ابواحمد .
ماشاء الله تبارك الله .. اول شي مبروك الكاميراً ..
ماشاء الله ميه الميه الكاميرا ..
انا اشتريت مثلها .. اختها
بخصوص فيلم كيف الحال .. ابسط تعبير عنه هو ان تقول انه ( كيف الحال
) يعني ماعندك احد 
toootey
ال iMac فلة في الفلم صراحة …… لكن بالفعل الفلم مقطع ،،،، يعني مو ماشي على نسق معين ….
ان شاء اله نشوف محاولة ثانية جيدة ….
ano0os
من جد واحد فاضي الي عمل الفلم ….
The-doc6or
الحمد الله انا تمام ….
واندمج مع العنوان …. اصلا الاسم مالو علاقة بالموضوع نهائيا بس مشي حالك ….
يعمي محد عارف يتقن دورو مرة خير شر ….
ماشفت فلم محمد عطيه للاسف ….
لسه والله ما مريت ،،، عندي شوية انشغالات ….
بس ان شاء الله الحقو اخر يوم ، وان كنت متاكد انو مافي شي يذكر ….
حرباز
الله يبارك فيك ومبروك عليك
من جد والله ما عندك احد
ياشباب ياريت يكون نقدنا بناء ولا تنسوا ان هاذا اول فلم سعودي ..يعني اول تجربة
ولازم تطلع فيها عيوب .. وياليت كل واحد فينا يتذكر اي شي هو دحين يعمله بشكل ممتاز
و يشوف الفرق بين دحين و اول مرة..