صراحة اعجبتني هذه الكلمة كثيرا من احد اصدقائي وانا اتحدث اليه اليوم.
وهو يشكو الحال كيف انه من الصعب فعل اي نشاط في هذه البلد ، فكل شيء مخصص للعوائل .
البحر ، مخصص للعوائل ، اذا جيت بتجلس منطقة فيها عوائل يستفزوك ويبهدلوك لين تمشي .
المطاعم ، ايام الاربعاء والخميس اغلبها تقلب للعوائل فقط ، الشباب مو لازم ياكلو ….
الاسواق ، اصبحت تجارة الان ، عشان تدخل السوق تدفع ٣٠ ريال تشتري بيها ، واذا ما اشتريت انت حر 
يعني تذكرة دخول .
ملاهي … عيب الشباب يرحوا . لازم عوائل .
صراحة انا ما اكلت معايا الا حكاية المطاعم …
لان البحر … لما تازم معايا ، بروح واجلس وابن ابوه يكلمني ، لكن المشكلة في بعد المناطق فيها عباس بالمرصاد يمشيك .
اسواق … احلى ما على قلبي اني ما ادخل سوق ،، ولا اطيق اجلس في سوق اكثر من ربع ساعة .
ملاهي ،،،، ههههههههه خليها تولي ،،، صيانة تعبانة وناس بتموت فيها …. ولا اشياء كلها مالها داعي .
لكن توصل لمطعم الشغلة … الاكل اني ما اقدر اكل عشان مافي عائلة هذي مصيبة .
صراحة ، العديد من الافلام الامريكية وضح كيف الزنوج عانو كثير في امريكا ،،، ماكانوا يقدروا يدخلوا مطاعم وياكلوا فيها ولا كانوا يقدروا يسوا اشياء كثيرة
بحكم انهم زنوج والزنوج طبقة سيئة من البشر وما الى ذلك من الكلام … فهل الشباب كلهم زنوج !!!
ام انهم ليسوا من البشر ….
اعتقد بانه اليوم في امريكا اذا رفض مطعم ان يدخل زنجي او اي مكان فستتم مقاضاته .
وتم الاعتراف بان الزنوج من البشر .
متى سيتم الاعتراف بان الشباب السعودي من البشر ، سؤالا يبقى في طي الغموض .
ههههههههههه محمد ترا المسئلة مو كدا … بصراحة بصراحة انتا لمن تروح مطعم كم تدفع بخشيش وكمان هل تطلب مقبلات وحلى دايما ؟؟؟ القصة ومافيها الشباب ماوراهم مكسب وبيصرفونا لاننا ناخد مكان على الفاضي شوف الفلبيني اصلا كيف يتعامل معاك .. افتكر مره كنت في تشليز يوم ربوع رحت من الساعه ١٢ وقعدنا للساعة ١ ونص تقريبا آخر شي وبالفم المليان جانا واحد وقلنا اتفضلوو دحين وقت العائلات وفي بعضنا لسع ماغلق اكلوا ..
وترا الأسواق نفس الشي وفي اسواق بصراحة مالها داعي اولاد يدخلوها لانو مافيها ولا حاجة تخصهم فيها .. وفي الاخير انتا ماتجيب اي مكسب لصاحب السوق عكس العوائل … الخلاصة انها حجة لتصريف الشباب
يلا يابطلنا الزنجي ، أعيد لنا حقوق السود ان استطعت!
عندما تتحسن سمعة الشباب و تتحسن أخلاقهم و يحفظوا أعينهم و يضعوا كلمة “أدب” في قواميسهم.
بالطبع ليس كل الشباب أخلاقهم منحدرة, لكن المسألة هي كيف يتم معرفة الصالح من الطالح, لا يمكن اعطاء الشباب الثقة فحادثة واحدة من شاب سيء ستسيء للمحل و تقلل من زواره.
أتعاطف مع الشباب خصوصا عند قضاء حوائجهم في الاسواق و أتفهم حاجتهم في “الطلعات” لكن حتى نحن نعاني نفس المشكلة, مثال بسيط, أغلب المطاعم التي لها جلسات خارجية تكون مخصصة للشباب, الجو جميل و ممتع لكننا ممنوعون من الجلوس في الجلسات الخارجية لأنها مخصصة لكم.
على كل, المشكلة ليست مشكلة مطاعم و أسواق, بل هي مشكلة أخلاق و ثقافة مجتمع ككل تحتاج إلى دراسة حقيقة لتحسين السلوك الشبابي (شباب و شابات على حد سواء)
انا عندي اقتراح جميل .. إتزوج !!
انووووووس
الله يهديك بس
المفروض تكون صوت مسناد للشباب …
ههههههههههههههههه
شوف انا لما اروح مطعم ،، ما اقصر والله ، المقبلات لازم منها ، لكن الحلى مو دايما حسب ….
لكن لو جينا لنقطة مهمة المحلات تاخد ٢٠ ٪ خدمة ،،،، بخشيش اش الي حطو وانا دافع اصلا حق الخدمة … وترى بحط في كثير من الاحيان بخشيش ….
هوى ماجاك وقلك اتفضل الا لانك زنجي السعودية ….
موضوع السوق مو فارق معايا كثير ،،، وانا اخر واحد يحب يدخل السوق ….
بس احيانا تنقهر والله ،،، في مرة كنت بدخل اشوف حاجة في واحد من الاسواق واتمنعت من الدخول لاني شاب ….
وجوى السوق في محل ابغى اشتري منو والله … لكن مادخلت ، وما فرقت معايا ، لاني رحت محل ثاني اشتريت منو ، بس اطريت ارووووووح محل بعيييييد مرة …..
————————–
ياسر
كلام في السياسة ما نبغى ……. !!!!!!
kolita
والله هذي مشكلة الصراحة …. اساءة بعض الشباب وبعض الشابات لسمعة البقية …. ضيعتنا والله
وانا معاك صراحة في ان كثير من الشابات والشباب للاسف الشديد يحتاجو بقوة الى اعادة تهذيب واعادة تقويم واعادة في اشياء كثير جدا …… وثقافة المجتمع لازم تتغير .
بس غريبة موضوع الجلسات الخارجية ، في محلات كثير فيها جلسات خارجية للعائلات … وترى ما ابغاها نص ايام السنة في جدة حر مرة
وانا معاك المشكلة مشكلة اخلاق وثقافة مجتمع …..
ولازم تحسين السلوك الشبابي ،،،، والمفروض تقدمي الشابات على الشباب … ;p
تامر فتحي
يلا على يدك ….
بس مشكلة لو جيت في يوم باخد اجازة اش اسوي
محمد …
ترى الـ( جبنة كاسات ) ممتازة … و بريال كم رغيف عيش … و بريال موية صحة ..
و سيبك من المطاعم …
إحنا الشباب العزاب .. مستوانا ( الكازينوهات ) … جلسات أرضي .. و إبريق شاي مصدي .. و معسل هنا و جراك هناك ..
و في أحسن الأحوال .. نطلع ناكل سمك في تلك القرية القريبة .. التي تعامل الشباب أفضل من هذه المدينة العجيبة …
صحة و عافية !
على فكرة, دوبي انتبهت لاسم الموضوع, فيه ريحة عنصرية.. لو كنت زنجية كان احسست باهانة.
اما عن الجلسات الخارجية, فجدا معدودة. طقة المطاعم الي في التحلية الجلسات الي برة بس للشباب, الجبيانو خرجو طاولة للشباب برة و نحن رزعونا فوق, نفسي اجلس في طاولة عل الشارع لكن عشاني مو شاب فممنوع.. بعدين بالله عليكم احمدو ربكم اسمكم لما تبغوا تخرجوا ما تحتاجوا تحجزوا السواق او تترجو احد يسوق بيكم.. هده لوحدها تكفي!! الحمد لله على كل حال بس.
kolita
صراحة انا ابدا ماكان في بالي اي عنصرية في الموضوع وساقوم بتغير اسم الموضوع تلافيا لاهانة اي شخص … كل ماقصدته هو ضرب وجه الشبه بين حال الشباب السعودية في عدم القدرة على الذهاب للمطاعم والزنوج في امريكا في فترة من الفترات …
قمت بتغير اسم الموضوع
….
من جد الحمدلله على كل حال بس ….
وانا معاكي اننا في نعمة في موضوع اننا مانحتاج نحجز سواق ولا نترجى احد يخرجنا ….
لذلك في السعودية اكبر مثال للعيشية التكافلية ….
بندر
مشتهي سمك …. اش رايك نطلع نضرب قرييييييييب
ليه لأ … حتى لو كل يومين …