اليوم وانا جالس افكر في مدونتي وبديت احسها ميتة شوية ، وخاصة اني بكتب مواضيع الدعم والتحفير وافكار اقتصادية وكلها جد في مدونة الدكان .
وكل مايتعلق بنظام تشغيل الماك واخر اخبار ابل في مجموعة مستخدمي جدة .
ومواضيع الفلة في فكتور .
ودحين قريب مدونة التميز راح تاخذ حيز كبير وتسحب مواضيع كثيرة .
جلست افكر اش بقي للمدونة حقتي ، هل راح تكون المدونة بس فيها اخباري ، وبالفعل في الفترة الاخيرة هاذي هيا المواضيع ، في المدونة ، هبوط في المستوى شديد ، وكل المواضيع الممتازة في اماكن اخرى .
ما احب التكرار ولا كان اي موضوع نزلتو هناك انزلو هنا .
وجلست افكر في اش اتكلم في المدونة عندي .
فكرت اسوي بود كوست ، والمدونة خلاص جاهزة لهذا الشي ، والبرنامج راكب والدمج مع الاي تونز جاهز ، بعدين قلت مو محلو .
وقررت اسوي بود كاست منفصل .
انا رجل احب التقنية وبارع فيها ، لذلك راح تكون مدونتي من الاسبوع القادم ، عن الشبكات . وايرليس باسلاك من غير اسلاك .
ربط وندوز مع ماك ، او ماك مع وندوز .
وراح اتعمق فيها مع الزمن ان شاء الله ، مع الابقاء على اخباري .
الان بعد القرار الجديد ، بدات فكرة تصميم جديد ، تتناسب مع الاتجاه الجديد ، ان شاء الله تكون جاهزة مع الاسبوع الجاي .
والله الشبكات هوايتي لكن الشبكات السلكي أما الشبكات اللاسلكية … من جنبها ماعندي إلا اسمها … وبما إنك ذكرت الشبكات … أعتقد إنك مريت مدونتي شروحات … وشفت مدونتي حقت الشبكات … ماأدري ويش رايك فيها ….
عموما … بانتظار إبداعاتك ونبي المناسبة تصير ثنتين
الأولى العيد
والثانية مدونتك الجديدة…
مانبغى أي أعذار … معاك أسبوع بس … نبغى نستفيد من المدونة الجديدة قبل المدارس …
تحياتي
والله و نعم و قدها و قدود
تفكير مغري بالمتابعة والترقب
بس ظلك محافظ على عفوية المدونة
ولا تقصرها على التقنية فقط ..
اقرا لك ردود بتطرح فيها اراء ونقاشات اجتماعية جميلة ومميزة
احيانا اتمنى لو انك تطرحها بموضوع مستقل بمدونتك
مجرد راي ..
بانتظار جديدك
كن بخير .