9 October 065:20
في عندي كم سؤال ياجماعة الخير عن موبايلي نظام الفواتير
الان ماهى الفترة الزمنية التي تصدر خلالها الفاتورة ؟
السؤال الثاني هل عن الطريق النت اقدر اشوف كشف المكالمات ؟ هل تجدد بشكل يومي اقل اكثر ؟
السؤال الثالث هل احد حصل في الفواتير مكالمات ماقيد سواها (تسير كثير مع الاتصالات)؟
السؤال الرابع هل كل حاجة تسير عن طريق الرياض ولا عادي من اي مكان ؟
السؤال الخامس لسكان جدة هل كل حاجة تسير عن طريق النزلة ولا في مكان ثاني معين كل شي يسير عن طريقو؟
السؤال السادس هل هما حرامية زي الاتصالات ؟
السؤال السابع هل نظام الموقع عندهم عدل ؟
في شي واحد زعلني منهم امس ، واني اتصلت عليهم وعشان اتلقى رد استنيت نص ساعة على الخط فهل هذه حالة عابرة ام انا دايما كدى ؟
الرجاء لاتبخلو عليا بالاجابة .
ودمتم بود
أنا ممكن أجاوبك على إللي أعرفه
السؤال الأول تصدر الفاتوره كل شهر ودا الكلام أول ما أشتغلت الشركه و إحتمال أتغير ” بس ما أعتقد”
السؤال الثالث قالولك شركة الإتصالات ” لأ طبعاً ”
السؤال الرابع أعتقد إنهم الآن بدأت تسير من أي مكان
السؤال الخامس ترى ما فهمته
السؤال السادس شكلهم الإتصالات نسفوك بس لا تخاف مهم حراميه أبداً
هذا كل إللي أعرفه ولا تزعل منهم يمكن وقتها كانو بيصلوا أو يمكن شركة الإتصالات زارتهم وقتها ويمكن تكون شركة الإتصالات بخت عليهم شي ولا شي ولا تنسى إحنا في رمضان أكيد الأكل كان كابس عليهم
عموماً هم دايماً يردو بسرعه
يااخي في حركه امس صارت فيا عندهم في مكتبهم حق التحليه قمت زعقت وسويت مشاكل هناك … رحت ابغى اقدم على خطين للوالد وجايب فلوس لأرقاام مميزه وكل الشغل جاهز .. طلبت من الرجال استمارتين وقعدت استنى سرى ساعتيييييين تخيل ولمن جا دوري اعطيت الرجال الاستماره طقطق على الكمبيوتر ويقلي انتا لازم تدفع الفاتوره اول قلتلو إلا اعرف انو ماطلعت الفاتوره قام قلي حتى ولو تدفع قلتلو طيب لاني كنت محتاج … شويه قلي انتا عندك شريحه باسمك وماتقدر تطلع شريحه تانيه إلا بعد سته شهور علشان نشوف كيف سدادك معانا في موبايلي انا وقتها بلمت فيه ووجهي حمر .. وحصل إلا حصل مو علشان نظامهم علشان الساعتين إلا استنيتها والرجال إلا هناك مانبه عليا (حق الاستمارات)
السلام عليكم
انا موظف في موبايلي, مع اني ما اشتغل في السيلز ولا في الماركتنج بس راح اجاوبك على قد ما اقدر.
السؤال الاول:
الفاتورة شهرية و الاستلام عن طريق البريد العادي او الايميل بصيغة PDF
السؤال الثاني:
نعم تقدر, تقدر تستعرض جميع فواتيرك للفترات السابقة و تعملها داون لود
السؤال الثالث:
نعم ممكن تحصل مشاكل في الفواتير بس اذا بلغت 1100 بسرعه راح يتعاونو معاك
السؤال الرابع:
كل حاجة ممكن تسير من أي فرع لفروع موبايلي (لاحظ فروع موبايلي و ليس الوكلاء او الموزعين) , و مهما كان الموضوع كبير انتا تبلغ في اقرب فرع و هما يتولّو الباقي , و الافضل انك تراجع فروع ميجا موبايلي (فرع التحلية)
السؤال الخامس:
كما ذكرت مسبقاً, فرع موبايلي ميجا في التحلية هوا المركز الرئيسي يعتبر بس مافي داعي ترجعله في كل كبيره و صغيره
السؤال السادس:
لا محنا حراميه , ولا الاتصالات , بزنس از بزنس , و السوق كان محتكر و الشركه كانت بتحط اسعارها بمزاجها, بصراحة اعتقد لو كنا محلهم كان عملها زيهم
السؤال السابع:
الموقع جديد, و مره جيّد, الوانه و ترتيبه, فيه شوية حركات راح تعجبك, ادخل و اعمل رجستر و جرب
السؤال الثامن:
نادراً ما اتصل عليهم و ما عمري انتظرت اكتر من دقيقتين, بس بصراحة ما افتيك
راح أجاوبك على الأسئلة التي لم يجاوب عليها و قد أضيف على بعض التي تمت الإجابة عليها
س2 - نعم تستطيع معرفة تفاصيل دقيقة جدا للمكالمات من خلال الموقع و لست متأكدا متى تجدد.
س4 - نعم من أي مكان تقريبا بس لاحظ هناك فرعين رئيسيين (التحلية و الأندلس) و جاري اعتماد أكثر من فرع ليصبح “رئيسيا”
س5 - نفس جواب س4
س7 - عدل نوعا ما بس مو مرة فلة مع سفاري، لازم تضغط اللنكات إلي على اليسار
تجربتي الشخصية إنهم يردوا بسرعة بس مرة أو مرتين أتأخروا من جد، يعني بشكل عام، مرة بسرعة و حاول تتجنب وقت الذروة.
شكرا لتفاعلكم الجميل مع الموضوع ،
الاخ ابرايهم لما قصدت الاتصالات بحرامية
الاتصالات عندهم كلمة مشهورة ادفع بعدين احتج
وبعد ماتدفع وتجي تحتج لا حياة لمن تنادي وانسى وضعك خلاص
السلام عليكم
الصراحه موبايلي شركة محترمه وكل المشاكل اللي صارت تعتبر قديمه وتخص اللي عندهم شرايح قديمه . انصحكم بموبايلي عشان اسعارها حلوه و يحترمو العميل و يردو بسرعه مو زي الاتصالات .
موبايلي الافضل و كفايه سرقه من شركة الاتصالات ز جربو موبايلي و ما راح تندموا