في الاونة الاخير الكثير يشجعني للتحول الى موبايلي وترك الاتصالات السعودية ، صراحة انا من فترة طويلة جدا وانا ارغب بهذه العملية وذلك كرها في احتكار وسوء خدمة الاتصالات ومعاملتهم التي لم تتحسن الى بعد وجود منافس وليتها تحسنت ذلك التحسن المشهود .
ورغبة مني في اني ما اكسبهم ومني مسامحمهم في المبالغ الي سرقوها مني ، كل اسبوع يزداد تفكيري في التحول لموبايلي ، المهم ، هذا الاسبوع ، رحت اشتريت شريحة موبالي مسبقة الدفع.
بهدف التجربة.
طبعا في عندي جوال موتو v3i وبشتكي من الشبكة وخاصة في البيت ، وصاحبي يقلي ، المشكلة من الاتصالات ، عندو نفس الجوال بس موبايلي .
المهم امس كان اليوم الاول في التجربة .
ركبت شريحة موبايلي . على نفس الجوال .
طبعا المسافة بيني وبين برج الاتصالات ، ٥٠ متر ولا ٧٠ متر ويمكن اقل .
طبعا مع الجوال ، كنت اجي اتكلم من السرير ، بنسبة ٩٠ ٪ من المكالمات تقطع ، ولازم اطلع لين الحوش ، (الجنينة ) عشان اقدر اتكلم عدل .
امس مع موبايلي ، نايم على السرير ورجل على رجل ومن غير مشاكل ، بس لسع يوم واحد مايكفي.
المهم النقطة الثانية . في منطقة ، في اي مرة اكون اتكلم بالجوال واعدي من جنبها يفصل الجوال و مافي مرة وحدة عديت من عند المنطقة والجوال مافصل ولا اقل تقدير ، مدة ٣٠ ثانية ماسمع ولاالي بكلمو يسمع .
مع موبايلي امس ، سبحان الله ، سبحان الله ، اتكلمت زي الحلاوة ولا في اي مشكلة . ونفس الجهاز بستخدم.
طيب كدى اليوم الاول ، الي هوى امس ، كان من صالح موبايلي .
باقي على التجربة ١٤ يوم ، راح اكتب كل يوم بيومو .
ممتاز و مبروك على الخطوة و عقبال البقية
ههههههه
لاتنسى المرة الجاية لمن تحط رجل على رجل تفتح المكيف
هههههههههه ياحبيبي انا جارك وغرفتي فوق وانتا عارفها واقرب من البرج منك وانتا غرفتك تحت وابعد من البرج مني … لا تفرح كتير انا زيك سويت واشتريت موبايلي والله وانا نايم على السرير بعد فتره تبدأ الشبكه تخرف وتقطع ومرات ما اصيد الشبكه لا تقلي من الجوال جربت بجوال اويس ونفس الهرجه … بس والله مبسوط بيه لانو اوفر ليا بكتيييييييييير وانا كاره الاتصالات خير شر … يااخي فاتورتي في الشهرين ١٣٠٠ ريال في الاتصالات مع موبايلي ٥٠٠ ريال يااخي والله اصرف ومستعد اعاني مع الشبكه طز …
أنا مع موبايلي لأنها أحسن بمليون في الميه و إن كان على الشبكه ترى بدأت تقوى شويه
أنا جلست تقريباً سته أشهر بجوالين عشان أجرب الفرق و أكتشفت إنو موبايلي أحسن طبعا ً من
جميع النواحي
خدوها مني كلمه و أتركوا شركة الإنفصالات الزفت
يوسف ، وقتها انت الي كلمتني ، وكنت خارج اجيك فعشان كدى مافكيت المكيف .
انووووس ، كلام كبير والله ، يبغالي اعمق التجارب اكثر ، يبغالي اشوف احد ادق عليه بالييييل متاخر وانا على السرير ……
اسراء ، يومين وانبسطت مع موبايلي فشكلي ححول ، وواضح التحسن في الشبكة . خاصة مناطق ماكان فيها ارسال موبايلي الان سار فيه .
ههههههههههههه ياواد … على فكره جرب كمان تقد على واحد موبايلي زيك
يا محمد شوف شبكة موبايلي سيئة لكنها بتتحسن. أنا ترك الاتصالات من سنة وحولت على موبايلي بس عشان الاتصالات شركة ماتحترم البشر والأوادم. الاتصالات شركة قيمتك عندهم زبالة كنت مشترك عندهم غصبن عني والإنسان بعد مايعيش بكرامته يتحمل الشبكة الزفت بس عشان لا يرجع للذل والسرقة حقت الاتصالات السعودية. يا أخي يكفيك معاملة موبايلي المحترمة نوعاً ما مقارنة بمعاملة موظفي الاتصالات السعودية السوقية والشوارعية.
خلاص بس حول على موبايلي تراني مني متحمل أتكلم في هذا الموضوع.
انووووووس ، مافهمت
ياسر ، ابشر قريب خلاص ،،،،
الصراحه وبدون أي تحيز أومبالغه الله اللي فكنا من شركة الاتصالات وكذبها واستخفافها بالعميل أقصد ( بالعبيد ) لأن منظورهم السابق في عصر الانفراد والاستبداد انهم اسياد يهبون لنا الخدمه مشكورين…. ولا أبشع من ذللك الا رسم الاشتراك الذي يؤخذ مقدما للثابت والجوال وسوء التغطيه في معظم احياء الرياض خصوصا داخل المنازل …. لكي تدرك الفرق حول الى موبايلي ولاحظ الفرق في كل شيء التغطيه والتوفير الى ما يقارب 45%من فاتورتك السابقه فضلا عن الاحترام والصدق……. قارن ما وصلت اليه موبايلي حتى الآن ونفس مستوى خدمة شركة الاتصلات خلال نفس عدد السنوات (عمر الشركه)